|
 |
 |
 |
|
رقم المشاركة : ( 1 )
14 - 06 - 2021, 10:42 PM
|
|||||||||||
|
|||||||||||
 فيه ناس مستفزة في كلامها و حياتها و قراراتها.. تلاقي الناس في حتة ، و هي في حتة تانية خالص و لا كأنها حاسة بحد او شايفة احتياجات اللي حواليها ، او فاهمة الفرق بين الاحتياجات و الاولويات و بين الكماليات و السطحيات .. ناس في عمارة محتاجة ترميم اساسي و لما جمعوا جزء بسيط قوي من المصاريف ، المسؤول بدل ما يصرفها علي العواميد المتهالكة قرر انه يصرفها علي دهان المدخل !! ناس متضايقة من سلوك حد في الخدمة و اشتكت و قدمت الادلة، و كله اجمع علي عدم أمانته، بدل ما يوجهوه او يحولوه لخدمة تانية لغاية ما يظهر توبة ، يسيبوه يكمل في أذاه للناس ، و يمكن يرقوه في منصب اعلي .. و طبعا التبرير موجود: ان المسيح ساب يهوذا وسط التلاميذ !! و اللي ما بيتقالش ان ده استثناء في قصة الخلاص ، لان يهوذا كان له دور فاعل في اتمام الفداء لحكمة الهية .. و الدليل ان بولس "عزل الخبيث" من الخدمة الي ان تاب و سمح له بالرجوع (راجع ١ كورنثوس ٥ و ٢ كورنثوس ٢) .. واحد ميسور الحال قرايبه من محدودي الدخل ، يقوم يزورهم و هو لابس افخم ثياب و يحكي قدامهم عن ممتلكاته و غناه ، و مش مراعي حالتهم و نفسيتهم .. واحد عنده موظفين ، و عارف ان فيهم واحد ملتزم جدا بس حصله ظرف طاريء، يقوم يبهدله قدام زمايله علشان يستعرض نفوذه قدامهم و يهين كرامته من غير اي رحمة .. واحد راكب عربيته و ماشي يدي كلاكسات و يزعج الكل، و كانت عربية وقفت قدامه تنزل واحد مريض ، او يركن صف تاني و يفرمل عربيته و يعطل مصالح شارع بحاله !! واحد عارف ان الناس مستنياه لأنهم محتاجينه، فيتأخر عامدا عاشان يحسسهم باهميته.. و الأمثلة لا تنتهي .. الاستفزاز اسهل وسيلة لعداوة الناس و خسارتهم ، و مراعاة شعورهم اقصر الطرق لقلوبهم و محبتهم .. 
|
 |
|
العرض العادي
