منتدى الفرح المسيحى  


العودة  

الملاحظات

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 04 - 06 - 2021, 07:00 AM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 375,052

نعمة الكلام

لو طلبت من الله نعم كتيرة ، اول حاجة تطلبها "نعمة الكلام" ..
و حقا قال الكتاب "في البدء كان الكلمة" (يوحنا ١ : ١) ..

ليه ؟؟
لان كل معاملاتك و علاقاتك و صداقاتك و رزقك و بيتك و خدمتك و مستقبلك مرتبط "بجمال و حسن اختيار كلامك" ..

مفيش حاجة اسمها "بس طيب ، و ما تاخدش علي كلامه" ، لان الكلام صورة العقل و أيقونة الشخصية ..


كل خسايرك بسبب كلامك، و كمان كل أرباحك بسبب كلامك ..

فيه كلمة تقوم علاقة و كلمة تهدمها بالكامل و تجيب عاليها واطيها ..

يمكن الناس تفوت لك كام مرة ، بس بعد شوية ح تكتشف انك بتخسر كل اللي حواليك بسبب كلمة عصبية او استهزاء او قلة كرامة ..

و اوعي تفتكر ان الناس اللي قلبها طيب دي بتنسي لك ، هي بتفوت لك بس علشان "المركب يمشي " .. لكن ربنا عالم باللي حصل جواهم من وجع و جروح و ندبات و نار..


و اللي زاد انك تدب الكلمة ، و تجرح الناس بسكينة تلمة و مش باين عليك اي ندم او تراجع ؛ ده مرات تعمل نفسك انك زعلان ان الناس فهمتك غلط و ما فهموش قصدك الطيب و نيتك البيضا !!
و الأخطر ان لما حد يعاتبك تكب علي جروحه خل و تحرقه بغضبك : ازاي يجرؤ انه يطلعك غلطان ، او يخطر علي باله انه حتي يعاتبك بكل أدب..

حاسب علي كلامك بدل ما يجيلك يوم تخسر اغلي الناس و تلاقي نفسك وحدك ، مش سامع غير نفسك ..

ده ح يجي لك يوم و مش ح تبقي مستحمل نفسك اللي سببتلك كل الخساير دي ، و تعيش معاها وشك في وشها و أحيانا قفاك في قفاها ، لا طايقها و لا طايقاك !!
رد مع اقتباس
إضافة رد


الانتقال السريع

قد تكون مهتم بالمواضيع التالية ايضاً
الموضوع
لماذا نجيد الكلام عنك ونفشل في الكلام معك
اهم نعمة علينا ان ندركها في حياتنا هي نعمة انهُ الرب معنا
نِعم الله كثيرة في حياتنا، فالصحة نعمة والأسرة نعمة
اسكت قليلا قبل الكلام لتفحص جيدا كيف يكون الكلام
طوبى للذي يحب الكلام الصالح المستقيم، ويمقت الكلام الدنيء الهدّام


الساعة الآن 08:25 PM


Powered by vBulletin® Copyright ©2000 - 2025