موظف معاش يكسب تعاطف السوشيال ميديا وابنه: "هو العاق مش إحنا"
استغاث موظف بالمعاش عبر فيسبوك للبحث عن وظيفة ومأوى بعد ضائقة مالية، قائلًا: "محدش محتاج بواب أو غفير باليومية، أنا موجود وجاهز علشان معنديش مكان أنام فيه".
وأثار منشور الرجل موجة تعاطف على مواقع التواصل الاجتماعي، مع مطالب بالاهتمام بأصحاب المعاشات، وتحسين أحوالهم المعيشية.
لكن سرعان ما تحولت القصة وانقلبت على الرجل، وقال ابنه "باسم" إن والده "طلق والدته ورماهم صغيرين وعمل شهادة فقر علشان مايدفعش نفقتهم".
وأضاف عبر "فيسبوك": "عملية التشهير اللي بتعرض ليها من والدي للأسف (محمد ح) أنا وإخواتي مش هثبتث حاجة غير أنه أب فاشل دمر أسرته وبناته".
تابع: "النهارده بيتاجر بنفسه علشان يكون ترند على الفيسبوك، كل اللي بتعمله مش هيثبت حاجة، ولو اتكلمنا ورفعنا قضية ضدك في مجالس الأسرة هنكسبها، أنت عارف وأنا عارف أنت عملت ايه".
مضى يقول: "أنا آسف لو البوست هيضايق حد أو يفهمكم إني ابن عاق، لكن مش دي الحقيقة يا جماعة وبحتفظ بحق الرد وإبلاغ الشرطة والجهات المختصة على عملية التشهير دي".
وفي وقت لاحق، نشر الابن صورة والدته، وأوضح: "اطلقت من والدي وأنا لسه جنين عمري ٦ شهور، والأستاذ جاب شهادة مزورة إنه فقير علشان ميدفعش النفقة الشهرية بتاعتي".
أضاف: "الست دي اشتغلت وكافحت طفحت الدم علشان أقدر أكون النهارده راجل يعتمد عليه أقف جنبها وتكون هي سندي وضهري، والبيه قاطعني ٢٢ سنة كاملة مشافنيش إلا لما اتخرجت في ٢٠١٣، وكان عاوز يشوفني علشان أعيش معاه واصرف عليه".
هذا الخبر منقول من : الرئيس نيوز
26 - 05 - 2021, 11:57 AM
قد تكون مهتم بالمواضيع التالية ايضاً
العرض المتطور