|
 |
 |
 |
|
رقم المشاركة : ( 1 )
14 - 05 - 2021, 08:18 PM
|
|||||||||||
|
|||||||||||
|
فحياتنا_ما_هي_الا_مجموعة_اختيارات عندي ازازة برفيوم حلوة قوي وغالية تمنها حوالي ألفين جنيه تقريباً.. المهم حصل مشكلة في الازازة ومش بيخرج منها البرفيوم روحت لمحل تركيب عطور عشان يصلح الازازة ووصلنا لحل بسيط انه ينقل البروفيوم لازازة تانيه عاديه بس بتشتغل كويس.. بالنسبالي كان حل مناسب. انا مش فارق معايا شكل الازازة انا فارق معايا اللي جواها . وعملت كده واخدت الازازة القديمة اهو احتفظ بيها تبقي عندي.. وفِي مرة جاتلي واحدة من أعز أصدقائي في البيت. ووسط كلام كتير قولناه. قالتلي ايوا يا عم الناس اللي بتجيب برفانات حلوة المهم قبل ما تمشي من عندي افتكرت ان فيه حد كان جايبلي ازازة برفيوم وانا مافتحتهاش. هي صحيح شكلها حلو بس مش اورچينال (أصلي ) وتمنها حوالي ٧٠ جنيه. وانا رايحة أجيبها عشان اديهالها. جت في بالي فكره تانيه روحت مطلعالها الازازتين الغالية اللي انا نقلتها في ازازة عادية والتانيه الرخيصة وشكلها حلو ومقفولة. وقولتلها اختاري يا ستي ازازة من الاتنين تاخديها  طبعاً فرحت وما حاولتش تقول لا قالتلي يعني اختار اي واحدة من الاتنين قولتلها طبعاً يا بنتي هو احنا هنهزر قالتلي يعني لو اخدت الجديدة المقفولة مش هتزعلي قولتلها لا طبعاً مش هزعل.. انتي تختاري اللي انتي عاوزاه والغالي للغالي المهم اخدت المقفولة اللي شكلها حلو  اللي شغل بالي انها ما حولتش تجرب لا ريحة دي ولا ريحة دي. هي اختارت الشكل بس ما تعرفش ان اللي محطوطه في ازازة عادية تمنها 2000 جنيه والتانيه اللي شكلها حلو 70جنية الحقيقة ده اللي احنا بنعمله كتير وبيتحكم في اختيارتنا.. بنختار_الشكل_الحلو.. بيغرينا المنظر.. بننبهر بلفة الهدية  من غير ما نقرب ونجرب ونحكم.. ما عندناش القدرة علي فرز القيمة والجودة.البرفيوم الغالي الظروف اضطردته يعيش جوا ازازة رخيصة. لكن ما قللش من تمنه ولا من كفاءته ولا ريحته الحلوه اللي يميزها اي حد بيعرف يمييز. حينما تتيح لك الظروف ان تختار فهذه فرصة ذهبية لتختبر قدرتك علي التمييز والفرز.. فحياتنا_ما_هي_الا_مجموعة_اختيارات 
|
العرض العادي
