لما تقعد مع حد وتلاقيه بيبتسم .. هادي ..
وبيضحك ويهزر .. ثابت في نفسه ..
ده مش ضروري معناه إنه مستقر نفسيا ..
ده معناه إنه بيعدى بمراحل كتير جدا
في كل عزلة قبل ما يظهرلك ويخرج للنور
إنتوا مدركين إيه اللي بيتم من وراكوا عشان
نظهر قدامكوا بالإبتسامة والثقة والهدوء ده كله ؟
.. اللي قعد معاك مبتسم ده
ممكن يكون عيط في أوضته قبل ما يخرج ..
صرخ قدام المراية .. عاتب نفسه وجلد ذاته ..
كسر وقطع .. حزن واتقلب عليه كل المواجع ..
خرج شحنة عظيمة تساعده في إنه يرمم الشرخ
اللي في روحه مؤقتا و يبان مستقر نفسيا قدامك
لفترة على ما يرجع للضلمة تاني
أكتر حد بيعمل كده هما أكتر ناس بيضحكوا ويهزروا ..
و أكتر ناس بيمروا بحالات إكتئاب
هما أكتر ناس الإبتسامة بتبقى مرسومة على وشهم
.. كمان بتلاقيهم بيضحكوا على حاجات تافهة جدا
وبسيطة متستدعيش كم الضحك اللي ضحكوه
وأي حد مكانهم في وضع طبيعي مش هيضحك ..
لكن ده بيبقى رد فعل عكسي لأزمة بيمروا بيها
مش ظاهرة قدامك لكنهم عانوا كتير
عشان يداروها عن العين
.. فسيبوه عايش بالتكة دي لحد ما يقدر يخرج
من اللي هو فيه
