لسانه مضيعه

[walaa farouk]

فيه كده ، ناس كده ، لسانهم كده ..

طيبين قوي يا خال ، و عندهم مواهب كبيرة ، و خدومين، و جدعان قوي ..

لكن اجارك الله ، اول ما يتكلم تبان كل العيوب الممكنة و غير الممكنة : غلاط ، عصبي ، خلقه ضيق ، مندفع و متسرع ، رغاي و عنيف و محب للشقاق و الخناق..

مش كده و بس ، كلامه يوقع الناس في بعض ، و لما يتكلم عن نفسه يعليها و لما يجيب سيرة الناس يوطيها ..

و أحيانا كلامه يبقي مر ، و تعليقاته اكثر مرار ، و غلطات لسانه هي سر تعبه ..

لو راجع كلامه قبل ما يقوله ح يعرف غلطه، و لو سكت شوية قبل ما يطلع الكلمتين اللي محشورين في زوره كان ح يكسب الناس و المواقف ، و لو صلي قبل ما يفتح فمه و استلهم حضور الله في تعبيراته ح يكسب اكتر و اكتر ..

الناس الطيبة اللي انا متأكد من طيبتهم، ماليين الدنيا حوالينا ، بس لو راجعوا لسانهم ح يخلوا كلامهم احلي و سيرتهم احلي و احلي ..