|
 |
 |
 |
|
رقم المشاركة : ( 1 )
15 - 04 - 2021, 12:06 PM
|
|||||||||||
|
|||||||||||
|
شاكر لقيت أعضاء في النقابة «مسجلين خطر»
قال الفنان هاني شاكر نقيب المهن الموسيقية، إنه تفاجأ بوجود أعضاء في النقابة «مُسجلين خطر»، ولم يكونوا مطربين بل عازفين: «أنا والله اتفاجئت بالموضوع ده، كانوا مُسجلين خطر سرقة آثار، وكانوا ضمن شلة أول ما بقيت نقيب كانوا بيهاجموني بشدة أنا ومجلس النقابة بدون سابق إنذار، دول شلة ما يعلم بيهم إلا ربنا، بس الحمد لله اتشطبوا». وأضاف «شاكر»، خلال حواره في برنامج «شيخ الحارة والجريئة»، مع المخرجة إيناس الدغيدي، على شاشة «القاهرة والناس»، أنه لم يكن يومًا قط بخيلا في منزله أو خارج منزله: «أنا والله ما بخيل، تعالوا شوفوا البيت عندي عامل إزاي، تعالوا شوفوا تصرفاتي إزاي مع مراتي وولادي، شوفوا حياتي شكلها عاملة إزاي، بس أنا في الوقت نفسه مش مبذر». وعن تحصله على أموال كثيرة من عمله في الوسط الفني، رد نقيب المهن الموسيقية، بأن هذا لم يحدث: «أنا ماعلمتش فلوس كتير من الفن، الغالبية العظمى من الشغل اللي عملته كان في الفترة اللي الفن ماكنش فيه فلوس، مش زي أجور دلوقتي». وتحدث هاني شاكر، عن المطرب عمرو دياب، فذكر أنه الفنان الذي استطاع منافسة أبناء جيله والجيل الذي تلاه ويكمل ويستمر حتى الآن: «آه طبعا فيه ناس نجحت في لونها، بس عمرو دياب، نجح نجاحا باهرا وكبيرا ومستمرا بشكل كبير على الساحة الفنية، عنده ذكاء للسوشيال ميديا والإعلام مش كل الناس عندها التوليفة دي، عمرو دياب بيتشغل بدماغه، ماعندهوش مدير أعمال». هذا الخبر منقول من : الوطن 
|
|
العرض الشجري