|
 |
 |
 |
|
رقم المشاركة : ( 1 )
16 - 01 - 2021, 03:48 PM
|
|||||||||||
|
|||||||||||
 أول مرة أبقي قاعدة مع حد و اشوف إن عيوب أهله اللي سببت له ألم جامد هي نفسها اللي خلته يبقي أحسن مع عياله. و كأني أول مرة أشوف اننا ممكن نكون عندنا امتنان لحد علشان عيوب انا عارفة انه ده طريقة مقلوبه في رواية الامور، لكن انا شخصيا مرات كان الالم صاحبي و ساعدني اكبر ، كتير زمان عشت باحاول اتفادي الألم لكن يمكن عاوزة اقول لكم إن الألم بتاعي و بتاع آخرين كتير باشوفهم، و بيدوني الشرف اني أحس بيهم و بألامهم، واحد من أهم مقومات شخصيتي و قدرتي إني أكون أقرب وباقدر اساعد اكتر، ساعات باحس انه هروبنا من الالم غير منطقي لأنه لو ماكانش ألمي الشخصي هيبقي ألم حد باحبه، في رأيي فيه عاملين مهمين بيساعدونا في الكبران الحب والالم، طبعا النسب مهمة و قبول الالم مهم ... باشوف كتير قوي ناس بتخاف تإلم عيالها من أول مش عاوزة تسيبهم يعيطوا لحد مش عاوزاه يتعب، و يوضب حاجته..... و هو الالم مرات مش بيبقي بس تعب لكن إني أعمل حاجة مش عاوزاها و اختار حاجة مش ماشية مع مشاعري أو اللي عاوز اعمله دلوقتي أو الأسهل أو اللي اعرفه، في رأيي محتاجين نعرف نصاحب الألم و نفهم دوره و اأهميته في نمونا بدل ما يضيع أيام و سنين بنهرب نواجه أو نحس بالألم. الألم ممكن يكون إني أواجه حته في حياتي بتوجعني و إني أقبل أروح لمشاعري الموجوعه و مانكرهاش. الألم ممكن يكون إني أعبر عن احتياجي و ما اخافش أحس و أعبر عن ألمي. الألم إني ممكن أواجه إني صغيرة نفسيا و عندي عيوب في حاجات و كان نفسي أبقى أقوى الألم ممكن يكون إني اواجة مشاكلي حتي لو أنا مرتاحة في إني أنكرها. الألم يعني اشوف فشلي و أقرب منه و أحاول أساعدني أو أروح لحد يساعدني الألم يعني مااجريش للأكل أو السجاير أو العلاقات أو الشغل و احس الالم و اختار إختيار مختلف يمكن أبتدي أكتب .....أقرا....... أصاحب ناس... و حاجات تانيه غير دول .... التغيير زي ما قلنا سكة فيها باجرب أغير طريقتي واتعلم من العلم والخبرات عشانأكون إنسان أفضل التغيير سكة """أنا""" باختار امشيها باغير كتير من أفكاري و اختياراتي و إسلوب حياتي تاخد زي ماتاخد المهم أنا ماشي و باتغير. الحب والالم المُغيير .. 
|
 |
|
العرض العادي
