أديب يوجه رسالة قوية لـ علي عبد العال
علق الإعلامي عمرو أديب، علي ما يتم تداوله حول غضب واستياء الدكتور علي عبد العال رئيس مجلس النواب السابق وعدم حضوره الجلسات بسبب عدم ترشيحه رئيسًا للبرلمان في الدورة الحالية.
ووجه عمرو أديب خلال برنامج "الحكاية" المذاع علي قناة "mbc مصر": "أقول للدكتور علي عبد العال أحب أشوفك داخل مجلس النواب تناقش وتفيد بخبراتك الشباب داخل البرلمان، انت موجود علشان تخدم البلد، هو انا يإما ابقى رئيس المجلس يإما مشتغلش".
وتابع:"كلنا عارفين ان الدكتور علي عبد العال لا يذهب لمجلس النواب وقرر عدم الحصول علي راتب البرلمان ولكن لازم نتعلم تداول السلطة، بكرة انت رئيس المجلس وبعد كده تبقى عضو وبعده مش موجود، هو دونالد ترامب اللى كان رئيس امريكا مزعلش ليه؟ عايزين يبقى عندنا حياة سياسية ".
وأكمل: "ده مجلس النواب ده مجلس المحاسبة، هو حضرتك يا دكتور علي لو مبتروحش نسكت لأ طبعًا برغم إنى معرفش لائحة المجلس ايه؟ ده كلام؟ المفترض القامات اللى بنحترمها زي الدكتور علي عبد العال يفهموا يعني ايه حياة سياسية".
واستطرد: "هو كل واحد يبقى في منصب ولما يسيبه ويمشي يزعل البلد محتاجة تقف علي رجليها"، مشيدًا بالمستشار عدلي منصور الذي جاء رئيسًا مؤقتًا للبلاد في فترة حساسة وعصيبة وبعد انتهاء دوره عاد الي مقاعد المواطنين ليمارس دوره بشكل وطني.
هذا الخبر منقول من : موقع فيتو
15 - 02 - 2021, 12:18 PM
قد تكون مهتم بالمواضيع التالية ايضاً
العرض العادي
