|
 |
 |
 |
|
رقم المشاركة : ( 1 )
29 - 01 - 2021, 09:14 PM
|
|||||||||||
|
|||||||||||
 اتيتمت كام مرة اول مرة يوم ما فقدت امي و بعدها بكام سنة ابويا .. يومها ضهري انكسر و قلبي انفطر .. ما كنتش أعرف للدنيا هم و لا غم .. افكر ليه في اكلي و امي بتصحي قبلي توكلني ، و افكر ليه في طلباتي و ابويا بيحقق لي حلمي قبل حتي ما احلمه.. حلوة الدنيا بيهم ، متشال علي ايديهم و في عينيهم ، كبير بيهم و مسنود عليهم ، و المستحيل يجي لي يجري علي ايديهم .. طفل علي شط البحر ، يجري يدوس الموجة و يرجع يترمي في حضنهم و هو بيضحك.. لما سابوني اتيتمت، و اتقطعت بدل الحتة حتت؛ بس عرفت بعدها ان اليتم ما بيحصلش مرة ، بيحصل كتير قوي .. نوع تاني من اليتم يوم ما حد بتحبه قوي قوي يموت .. قلبك كان فيه و سندك كان عليه ، تكلمه تلاقي نفسك في صوته و تحس مشاعرك في ضحكته يوم ما يغيب ح يسيبك وحدك ؛ مش فاضلك منه غير حبة صور علي و حبة ذكريات علي كام دمعة و كام تنهيدة تخبيهم في قلبك كل ليلة تحت وسادة المك .. نوع كمان من اليتم لما حد من حبايبك يسافر و يسيبك وحدك ، و كل واحد يلف في دنيا تانية ؛ و بدل حلاوة العشرة و جمال الصحبة يتبقي لك كام رسالة علي كام تليفون ، كل ما حد يفتكر يكلم التاني.. اما اصعب نوع هو يتم "الغدر و القسوة" ، لما حد يخلي بيك ، حد كنت بتعامله انه مرايتك ، تؤامك، ضلك .. و فجأة تصحي علي الحقيقة المرة، انك كنت مخدوع، و انك كنت انت بس اللي بتحبه، و هو مش هنا .. انت بالنسبة له "محطة" أو "مصلحة" أو "مشوار و خلص" .. يوميها بتتيتم بجد ، بعد ما كنت فاكر ان ربنا عوضك بحد يخفف عنك وجع الدنيا و مرارتها .. اليتم في الدنيا انواع و انواع ، و اللي داقه عرف ان مفيش احن من الاب اللي ما بيموتش : "ابانا الذي في السماوات" 
|
العرض العادي
