لكل يوم زوّادة: صليلنا كلنا يا مار مطانيوس : 18 / 1 / 2021 /

[souad jaalouk]

لكل يوم زوّادة: صليلنا كلنا يا مار مطانيوس

مار مطانيوس الكبير بَي الرهبان و بَي النسّاك! يعني هوّي اوّل ناسك و اوّل راهب؟ لأ! اكيد قبلو كان فيه كمان، بس ليش انعطى الو هاللقب مش لحدا كان قبلو؟ بيقولو انّو وصل خبر عَنّو لكتير من الناس خصوصا بمصر صارو يِجو وفود وفود لعندو عالمغارة تا يسمعو ارشاداتو الروحيّة و يطلبو صلاتو و تجمّعو حَولو كتار من اللي كلماتو فاتو عا قلبن و صارو الو تلاميذ! شوَي شوَي صار عددن يكبر حتّى انتَلِت الدني صوامع نسّاك و البريّة صارت مقر لكتار منّن... كرمال هيك استحق لقب بَي الرهبان!
اليوم بعيدو منطلب شفاعتو لكل الرهبان و خدّام الرب اللي كتار منّن خطفِتن كورونا و منّن مرضى بالمستشفيات و منّن محجورين بالأديرة و منّن مسَكْرة رعاياهن...صلّيلنا كلنا يا مار انطونيوس من الوطن السماوي حتّى ربنا يلتفت لوطننا الأرضي لبنان الموجوع...