07 - 12 - 2020, 10:51 PM
|
|
|
|
..::| الإدارة العامة |::..
|
|
|
|
|
|
من هو يسوع ؟
هو "الحبيب "
اللي بيحب بجد بدون أسباب
اللي وقت ما كله يغيب
بيفضل سهران معاك
هو "الدعم" اللي لما الكل
يجمع عليك "مش هاينفع"
هو الوحيد اللي يشاور عليك
ويجيبك من المزابل ويقعدك مع رؤساء
هو "العذر"
اللي لما الكل بيقلب عليك
بيكون ملتمس ليك العذر
هو "الثقة"
لما بتقوله انا ضعيف
يقولك : "مصمم عليك وهستخدمك"
هو "النعمة"
اللي لما تقوله انا اقل بكتير
من ان اعمل ده
يشتغل بيك بنعمته
وتسيب الناس تمدحك انت
هو "الباب" اللي لما تتقفل
من كل ناحية
بيكون فاتح ليا باب بيته
تدخل وترتاح فيه
هو "الايد" اللي بتطبطب
في الوقت المناسب
وبتهون كل مصاعب وعواصف
بطريقته
هو "الواهب"
اللي كل حاجة بتكون من ايده
بيكون ليها طعم مختلف
هو "الحضن" المفتوح دايما
حتي في النجاسة والغم والحزن
حضنه جاهز للاستقبال في كل الحالات
هو "المحب" اللي كل اما تقوله
مفيش فيا حاجة تتحب
تسمعه بيقول في قلبك "بحبك"
هو "القيامة"
في كل موت يقولك
الغي الكلمة دي من قاموسك
انا بموتي وقيامتي لغيت الكلمة دي
يا بخت اللي صاحبه يسوع ..
هو عنده حصن وملجأ قوي ومهما واجه من عواصف فهو ميتخافش عليه
شكرا يا يسوع <3
|
