|
 |
 |
 |
|
رقم المشاركة : ( 1 )
08 - 11 - 2020, 09:14 PM
|
|||||||||||
|
|||||||||||
 فيه ناس ما ببتمرش فيها العشرة و لا الحب و لا الخير .. تعمل مهما تعمل ، و تولع لها صوابعك و صوابع اللي جنبك شمع، و كأنك بتحرت في البحر.. يعتبروا حبك و كرمك تحصيل حاصل ، حق مكتسب ، أمر يتنفذ، طلب واجب عليك.. و الواحد مش طالب اي مقابل و لا مستني حاجة .. حتة كلمة حلوة ترضيه و تكفيه و تغنيه.. لكن حتي الكلمة الحلوة يستكتروها عليك ، و الاصعب أن مرة واحدة تطلع منهم كلمتين تلاتة يوروك اللي في قلبهم ناحيتك : و تكتشف بعد عمر أن مشاعرك الكتيرة و الكبيرة اللي زرعتها كانت "و لا حاجة فعلا" ، و ان كل اللي موت نفسك علشانهم، كان شوية وهم جواك عشت عليه .. و فيه ناس تانية بيتمر فيها العشرة ، و يثمر فيها الحب .. و حتي من غير ما تعمل حاجة هي فرحانة بيك و بتتمني لك الرضي ترضي .. ناس شايلة لك أصغر جميل و اقل تعب لسنين قدام ، و تحسسك أن اقل حاجة منك كانت كبيرة قوي قوي عندهم .. واحد زي داود عاش مع شاول حماه اسود ايامه ، رغم أن هو اللي أنقذه من عار جليات ؛ طرده و رفده و طارده سبع سنين و حاول يموته ٣ مرات .. و هو هو داود شاف من "ابنه" نور عينه ابشالوم مر المر : قام عليه و سرق منه العرش و حاول يقتله ، و اغتصب سراريه في عز النهار !! و ربنا في النص رزق داود بيوناثان صاحبه ، ابن شاول (اللي كان عاوز يؤذيه) . . يوناثان ده حبه زي عينيه و اخلص له من غير اي هدف و اتنازل له عن أغلي حاجة عنده "عرش الملك" .. و اهو بين ده وده ، حال الدنيا كده : تتعب علشان حبايب عمرك يخذلوك و ينسوك، و ناس تانية علاقتك بيهم سطحية يكرهوك آخر كرم .. ناس تؤذيك بالشر وناس تديك الخير ، ناس تنسالك حبك مهما كبر و ناس تفتكرلك حبك مهما صغر.. و ح تبقي الحقيقة الخالدة : أن الناس انواع و ألوان من الشر و الخير ، و أن رب الناس بس هو اللي كله خير و عطاء و احسان، لا بيتغير و لا بيتبدل، يفتكرلك اقل حاجة تقدمهاله و ينسالك أكبر غلطة تعملهاله !! .. د.مجدي إسحق 
|
 |
|
| قد تكون مهتم بالمواضيع التالية ايضاً |
| الموضوع |
| الله مصدر كل ثمرٍ |
| الفضائل بدون الصدقة تصير عقيمة بلا ثمرٍ |
| حد يعرف يميز فيهم الحكيمات ومين فيهم الجاهلات؟؟ |
| ثمرُ الروح .. فرحٌ، سلامٌ |
| نسمةُ أملٍ تمرُ في ثنايا الفؤاد |
العرض العادي
