|
 |
 |
 |
|
رقم المشاركة : ( 1 )
25 - 09 - 2020, 06:06 PM
|
|||||||||||
|
|||||||||||
|
فمن فضلك يارب في خلوتي بدير انبا انطونيوس تقابلت مع أب راهب وقور ، شيخ روحاني ، وجهه ممتليء بالنعمة ، هاديء جدا ً ، صوته لا يكاد يُسمع ، لكنه صوت صادق يخترق القلب ، يحكي ببساطة قلبه كقلب طفل . كان يُحدثني عن محبة يسوع فحكي لي وقال : مرة كنت مريض ، وعرفت ان واحد من اخواتي الرهبان هو كمان مريض ، وكنت عاوز اروح ازوره ، لكني كنت مريض جدا ً فمكنتش قادر اتحرك من قلايتي ، في صلاتي بالليل رفعت قلبي لربنا و قلت له يارب انا عاوز ازور ابونا فلان لأنه عيان ، بس انا مش قادر ، فمن فضلك يارب شيل المرض من علي ابونا و اديهوني انا .. ! صمت ابونا قليلا ً وتنهد وقال : يظهر ان ربنا بقلبه الحنين ، مستحملش الصلاة دي ، و شفاني انا في الحال ! فلقيت نفسي كويس ، فمجدت ربنا و شكرته ، وتاني يوم الصبح رحت زرت اخويا الراهب ، فلقيته هو كمان اتشفي ! فمجدت ربنا في سري ، لكن ابونا أصّر و سألني : يا ابونا انت عملت ايه امبارح ؟ قوللي ، عملت ايه امبارح .. متخبيش عليا . رحت حكيت له اللي حصل واني طلبت من ربنا يشفيه ويديني انا المرض ، فربنا شفانا احنا الاتنين .. و صلينا و شكرنا ً ربنا علي محبته . يا ابني .. ربنا حنين اوي . 
|
|
| قد تكون مهتم بالمواضيع التالية ايضاً |
| الموضوع |
| يارب، من فضلك يارب، تحدث إلىّ بوضوح |
| من فضلك يارب |
| من فضلك يارب |
| من فضلك يارب |
| يارب من فضلك - كفر فيس بوك |
العرض الشجري