إنتي غالية

[walaa farouk]

في كل مرة بسمع خبر عن ظلم بنت أو المرأة عمومًا،
بيتردد جوايا نفس السؤال ليه؟؟
ليه الناس بتفكر كدا، ليه المجتمع دايمًا شايفها كائن
مش كامل ومحتاجة للراجل علشان يكمّلها أو يداري عيوبها!!
لغاية ما نورت قدامي الأية دي
"لَيْسَ جَيِّدًا أَنْ يَكُونَ آدَمُ وَحْدَهُ، فَأَصْنَعَ لَهُ مُعِينًا نَظِيرَهُ"
الله شاف إن مش من الجيد إن آدم يعيش وحده، فخلقك مُعينة نظيره،
أيوة معينة نظيرة،
الله لو شاف إن آدم قادر يعيش لوحده ماكنش خلق حواء
علشان كدا إنتي ليكِ دور وقيمة سواء كزوجة، كإبنة، كإمرأة عاملة أو ربة منزل،
مهما كان دورك بسيط، ماتستهونيش بيه!!
استمدي قيمتك الحقيقية من نظرة الله ليكِ، مش من نظرة الناس حواليكِ، إنتي غالية