• لما تلاقي واحد فاسخ خطوبة او ارتباط ممكن 'ماتجيبلهوش سيرة الموضوع او سيرة الشخص اللي كان مرتبط بيه .
• لما تلاقي شخص مش بيخلف ماتفضلش تسأله عن الموضوع ولو حتي بالتلميح ، هو كاتم كتير جواه ولو عايز يحكي مش هيتردد .
• لما تلاقي حد امكانياته المادية ضعيفة ، ماتفضلش تحكي قصاده عن الاحتياج المادي وخصوصا لو انت اعلي منه بكتير .
• لو قاعد وسطكم شخص انطوائي .. بلاش تقولوله الكلمة دي تحديدا .
• لو تعرفي واحدة مش بيجيلها عرسان .. بلاش تقوليلها الجملة الشهيرة .
•• كل واحد فينا يا جماعة عنده (كلمة بين القوسين) بتوجعه جدا لو حد داس عليها .. فلو انت مش ذكي كفاية انك تلقط ايه عند اللي قصادك ممكن يوجعه بلاش تفتح كلام .. ولو انت من اللي بيتعمل فيه ده ممكن تتعلم تلفت نظر اللي قدامك ان بلاش الكلام في ده ومش من حقه .. ولو ماستجابش ممكن تقطع او تحط حدود للتواصل وتعرف تشتري سلامك .
19 - 05 - 2020, 07:16 PM
العرض المتطور