اله القلوب

[walaa farouk]

إله القلوب ، يغيرها و يفتحها مهما كانت مقفولة ،
أو يقفلها مهما كانت مفتوحة ..

هو اللي فتح قلب ارتحشستا الملك الوثني نحو شعب الله
، فاعطي نحميا بعد حوار لا بتجاوز ٩٥ كلمة في اقل من نص ساعة
، حق بنا الهيكل بعد سنين من السبي الطويلة.. (نحميا ٢)

و هو اللي فتح قلب احشويروش نحو مردخاي
و استير فعفا عن شعب الله اللي كان هامان الشرير عاوز يبيده ،
و صلبه علي نفس الصليب اللي أعده لهامان رجل الله
.. (استير ٥)

و هو اللي فتح قلب فرعون نحو إبراهيم
فرجع له سارة اللي خدها منه لما افتكر انها أخته ،
و رجعله معاها خير يكفيه كول فترة الجوع (تكوين ١٢) ..

مرات برضه زي ما ربنا بيفتح قلوب للخير ، بيقفل قلوب لحكمته..

هو مثلا اللي ساب قلوب اخوة يوسف مغلقة عليه ،
و لولا كده ما كان وصل ارض مصر لينقذ شعبه من المجاعة
و يصير رئيسا علي وزراء مصر ..

و هو برضه اللي قفل قلب الوالي نحو بولس فتركه في السجن
، و هناك عمل اعظم بشارة للجنود ، و كتب اعظم رسايله..

و هو كمان اللي قفل قلب سليمان نحو ادونيا اخوه
اللي تعدي علي حرمة داود والده و طلب منه يد ابيشج زوجته
طالبا أن يسرق مكانة أبيه في الملك ..

لو حد مضايقك و قلبه مقفول مفيش غير ربنا يفتحه
و يباركك بيه
.. و لو حد فتحة قلبه ناحيتك ح تضرك مفيش غير ربنا يقفله
و يحوش شره عنك ..

إله القلوب معاه مفاتيح القلوب
، يفتح و يقفل زي ما يري في محبته و قدرته و حكمته ..