|
 |
 |
 |
|
رقم المشاركة : ( 1 )
07 - 05 - 2020, 10:30 PM
|
|||||||||||
|
|||||||||||
 المفسرين بيقولوا إن الشخص اللي إتكلم عنه إنجيل مرقس وقال إنه كان لابس عباية على عريه في بستان جثسماني وجري عريان من الخوف لما إتقبض على المسيح كان هو مارمرقس الرسول.... مارمرقس اللي خاف وجري عريان دة هو هو مارمرقس اللي بشر مع الرسل ولف معاهم بلاد كتير. ... وهو اللي جالنا مصر وبشرنا بالإنجيل.... يعني واحد من كاتبي الأربع بشائر هو بنفسه اللي جابلنا الإنجيل لحد عندنا في ديارنا المصرية.. .. كان مين يصدق إن الشاب اللي يجري عريان من الخوف يكون هو نفس الشخص اللي يتجرجر ويتسحل في شوارع الإسكندرية وجسده يتمزق علشان الإيمان بالمسيح ينتشر وينقلنا من ظلمة الجهل لنور المسيح العظيم....!!!! دة بقى اللي يبقى عمل الروح القدس في الكنيسة... . الروح القدس اللي بيحولنا من الضعف للقوة.... ويدينا لسان جرئ نشهد بيه للمسيح أمام كل شخص بيضطهدنا.... بالروح القدس نجهر بالكرازة بقيامة المسيح من الموت.... لإن "وَإِنْ لَمْ يَكُنِ الْمَسِيحُ قَدْ قَامَ، فَبَاطِلَةٌ كِرَازَتُنَا وَبَاطِلٌ أَيْضًا إِيمَانُكُمْ،" (1 كو 15: 14).... الروح القدس هو اللي يخلينا بقوة نقول "مَنْ سَيَفْصِلُنَا عَنْ مَحَبَّةِ الْمَسِيحِ؟ أَشِدَّةٌ أَمْ ضِيْقٌ أَمِ اضْطِهَادٌ أَمْ جُوعٌ أَمْ عُرْيٌ أَمْ خَطَرٌ أَمْ سَيْفٌ؟ " (رو 8: 35).... قوة الروح القدس هي اللي حولت مارمرقس من شخص خواف لشخص شجاع وقوي.... قوة الروح القدس هي اللي خلت مارمرقس أسس أعظم كنيسة في العالم.... كنيسة علمت العالم الإيمان المستقيم.... علمتهم الرهبنة.... علمت العالم يعني إيه ناس تندبح وماتنكرش الإيمان بالمسيح ويموتوا وهما رافعين رأسهم لفوق.. .. الروح القدس هو اللي بيقود الكنيسة من أيام مارمرقس لليوم دة وهو اللي حافظها ومثبتها... . النهاردة لازم كلنا نقول لمارمرقس متشكرين على بشارتك لنا بالمسيح.... شرفت بيوتنا يا مارمرقس.... 
|
 |
|
| قد تكون مهتم بالمواضيع التالية ايضاً |
| الموضوع |
| صرفة وبيت الأرملة |
| أرملة صرفة والشونمية |
| شرفت ارضنا |
| (و صرفت مستحقاتي) |
| صرفة |
العرض العادي
