مش شايف لكن مطمن

[walaa farouk]

ربنا خلقنا كائنات عاقلة، بتفهم وتفكر، وده اللي بيميزنا كبشر
كتير هانلاقي إجابات على أسئلة جوّانا،
لكن كتير برضه هاتفضل فيه علامات استفهام عن حاجات كتير بتحصل حوالينا ومش بنفهم إيه الهدف ولا إيه قصد ربنا منها 🤔
الموضوع مالهوش علاقة بمقدار الحكمة اللي عندنا
، لأن مثلًا سليمان الملك اللي ماكنش فيه زيه في الحكمة
، كان برضه بيحتار نفس الحيرة دي وقال كده:
"17ثُمَّ رَأيْتُ كُلَّ مَا يَفْعَلُهُ اللهُ. لَا يُمْكِنُ لِأحَدٍ أنْ يَفْهَمَ مَا يَفْعَلُهُ اللهُ
فِي هَذِهِ الدُّنيَا. لَا يُمْكِنُ لِأحَدٍ مَهْمَا تَعِبَ فِي البَحْثِ أنْ يَفْهَمَ أعْمَالَهُ.
حَتَّى الَّذِينَ يَدَّعُونَ الحِكْمَةَ، لَا يُمكِنُهُمْ ذَلِكَ."
(سفر الجامعة اصحاح8، الترجمة العربية المبسطة)
الله بيحترم تفكيرنا مهما وصل،
لكن مهم كمان نفهم إن الله أكبر بكتير من عقولنا،
وطرقه وتدابيره أعمق وأصلح جدًا من إدراكنا
أصعب ما في الموضوع ده، إني أفضل مصدق إن مقاصد ربنا خير وإنه صالح حتى لو مش قادر أفهم الأسباب.
يا ترى بتعرف تصدّق؟