زوّادة اليوم: يا رب تخلي كل العائلات مجموعة : 16 / 4 / 2020 /

[souad jaalouk]

زوّادة اليوم: يا رب تخلي كل العائلات مجموعة

بيخبرو عن صبيّة عم تزور هيّي و رفقاتها صليب عا راس جبل عالي شوي نزلو دموعها! سألوها رفقاتها ليش، قالتلن انّو هيّي جايي عهالمطرح بحياتها مرتين قبل اليوم. مرّة هيّي و بَيها قبل ما يتوفّى و اختها و بتتذكّر وقتها انّو بَيها صار يبكي! قرّبت لحدّو قالتلو ليش عم تبكي قلها انّو عم يصلّي، هون ربنا بيسمع كل الصلوات لأنّو الجبل عالي قريب عالسما! سألوها طيّب و ايمتى كانت تاني مرّة؟ قالتلن: تاني مرّة كان عمري 14 سنة هربت من البيت و جيت بالباص. قالولها: ليش؟! جاوبت: كان كل شي صعب و كل شي مسكّر بوجّي تذكّرت شو قال بَيّي و جيت صلّي كان ضروري اتأكّد انّو ربنا سمعني!...قالولها و هلّق ليش عم تبكي! قالتلن: هلّق صرت اعرف انّو بَيّي ما كان عم يطلب شي الو، كان عم يصلّي تا ربنا يحمينا انا و اختي...و بالحادث اللي صار توفّى هوّي و خلصنا نحنا بأعجوبة... كم مرّة صلوات اهلنا حميونا و خلّصونا! يا رب تخلّي كل العيَل مجموعة و العيَل اللي افراد منها سبقونا عالسما منصلّيلن يكونو معك...الله معكن

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب