فأنه وقت لطلب الرب

walaa farouk · رقم المشاركة : ( 1 ) 26 - 03 - 2020, 10:45 AM

تعالوا نتحاجج مع ربنا ..

ايوه .. متستغربوش م الجمله
يعقوب عملها قبلي وقبلك ..
اتخانق مع ربنا وقاله مش هسيبك إلا لما تباركني ..
حتي لو الفجر طلع عليا وانا معاك .. مش هسيبك غير لما تباركنى

تعالوا نقف نصلي دلوقتي ..
تعالوا نقول ل ربنا مش هسيبك إلا لما تلمس مصر
والعالم لمسة شفاء و تعدي الأزمه دي علي خير ..
مش هسيبك إلا لما تطمن قلوب الخايفين وتحمي ولادك وبناتك
.. مش هسيبك إلا لما كنايسك تفتح ابوابها لينا تاني
وصدقني احنا خلاص حسينا ب قيمتها وعرفنا غلاوتها
.. مش هسيبك إلا لما توعدني انك هترجعنا لحضن كنيستك
وبيتك قبل أسبوع الألام وأفراح القيامه .
. الأيام اللي بنستناها م السنة للسنة..
مش هسيبك إلا لما تزيل المرض من وسط شعبك
وتحط حد ل ابليس ..
مش هسيبك إلا لما ترجع الناس ل شغلها والطلاب ل مدارسهم .
. مش هسيبك إلا لما تشيل روح الحزن والكآبة من قلوبنا
وتبدلها ب روح تسبيح وفرح .. مش هسيبك إلا لما تفرحني ..
وتفرح كل اللي اتعشموا فيك .. حتي لو هكلمك كل ساعه .
. وارفعلك ايدي كل لحظه .
. انا خلاص يارب فاضى ومش ورايا غير الصلاة ..
ومعنديش حد غيرك اروحله ولا اتكلم معاه .
. انت الملجأ قدامي وحدك وانت صاحب القوات وصانع الخيرات .. مينفعش تسيب الناس ف الكابوس ده .
. ارواحنا وارواح اهالينا بين ايديك .
. الموج عالي .. والشط بعيد .. والاطبا احتاروا .
. يا معلم ، أما يهمك اننا نهلك ؟! ..

مش هسيبك إلا لما تسمع .. وتستجيب
وعارف انك إله طيب ورحوم وأمين وحنين
عارف انك مش هتكسفني ..
عارف يارب 🙏🙏🙏

Mary Naeem · 26 - 03 - 2020, 10:59 AM

مش هسيبك إلا لما تسمع .. وتستجيب
وعارف انك إله طيب ورحوم وأمين وحنين
عارف انك مش هتكسفني ..
عارف يارب

مشاركة جميلة جدا
ربنا يبارك حياتك

Ramez5 · 26 - 03 - 2020, 03:58 PM

موضوع جميل جداً
ربنا يبارك خدمتك

walaa farouk · 27 - 03 - 2020, 12:02 AM

ميرسى على مروركم الغالى فأنه وقت لطلب الرب