|
 |
 |
 |
|
رقم المشاركة : ( 1 )
25 - 03 - 2020, 08:46 PM
|
|||||||||||
|
|||||||||||
 ١-هل اخد أدوية للحماية من كورونا؟؟ الي الان لم تعلن منظمة الصحة العالمية WHO عن كده .. و ممنوع اخد اي دوا (بالذات دوا الملاريا ) لما له من موانع و آثار جانبية.. الأدوية لا تزال تحت التجربة في الحالات المريضة في المستشفي و تحت إشراف طبي دقيق و لم يتم اعتمادها حتي الان .. مجرد اخبار بيطمنوا الناس انهم في دور التجارب الطبية الجادة .. القاعدة : لا بلبلة ، لا دوا للوقاية، و لا علاج بدون تشخيص و تحليل، و لا دوا من اي نوع إلا في المستشفي تحت إشراف طبيب متخصص .. ٢-هل الغرغرة بالماء الدافي و السوايل تقتل كورونا ؟؟ الي الان لم يثبت اي حقيقة علمية .. ال who لم تؤكد الفوايد .. لكنه اقتراح قدمه بعض أساتذة المناعة لترطيب الحلق و الوقاية من العدوي اعتمادا علي خبرتهم أمراض أخري فيروسية.. ال who تري انه لم يثبت الفايدة العلمية إلي الآن (محتاجين لسه أدلة ) و أن الوسوسة الزايدة كل ربع ساعة تزيد الضرر ، و بيخللي الإنسان يهمل النظافة و الوقاية و يركز علي الغرغرة .. القاعدة : الغرغرة ممكن تكون مرة واحدة في اليوم لا مانع حسب رأي بعض الأطباء ، و السوايل الدافية في المعدل المقبول ، من غير مبالغة و لا تزيد .. بس تبقي العزلة الاجتماعية و النظافة اهم وسيلة وقاية .. ٣-هل المرض مميت ؟؟ ٨١ % بدون أعراض.. ١٤ % أعراض برد و كحة و الام و ضيق تنفس مستمرة و بيخفوا بعلاجات عادية للبرد و الكحة (من غير مستشفي) تحت اشراف طبيب متخصص و مع العزلة .. فقط تحليل للتأكد .. لو سلبي لا قلق و لا علاج .. لو ايجابي عزل ذاتي أو حجر صحي الي أن يصبح سلبي .. و دول برضه كلهم بيخفوا .ظ ٣ % حجز في المستشفي و أدوية متخصصة تحت إشراف طبي و علاج للتنفس و بيخفوا .. تنحصر الخطورة في ٢ % فقط.. بعض البلاد زي ايطاليا النسبة عدت ٤ % لأسباب سبق و قلناها في البوستات السابقة . ٤-هل كل حرقان أو كحة أو الم كورونا؟؟ غالبا لا .. القلق و الخوف و الوسوسة تخللي اي عرض يجي لك ، و ده أمر معروف .. الأعراض اللي عاوزة تحليل، كحة مستمرة جافة ، حرقان شديد لا يستجيب للسوايل و الغرغرة ، حرارة اكتر من ٣٨ لا تستجيب للباراسيتامول، ألم في الصدر و ضيق شديد في النفس مستمر لساعات طويلة، اختلاط بحد عنده كورونا .. من غير فزع : نعمل تحليل و لو طلع سلبي لا قلق .. و لو طلع إيجابي ( لا قدر الله) برضه مفيش قلق ، عزل صحي تحت إشراف طبي و علاج متخصص و كله ح يروح بنعمة الله . 
|
|
العرض الشجري