زوّادة اليوم: أدخل فرح سيدك : 5 / 3 / 2020 /

[souad jaalouk]

زوّادة اليوم: أدخل فرح سيدك

مين مِنّا ما سأل حالو لو مرّة ليش ربنا بيشفي ناس وناس لأ، ليش ناس كل حياتن و لا مرّة حصلو عا شي بالهيّن و ناس شغلتن بتزبط من اوّل مرّة، ليش ناس بيكونو فقراء و ولادن جوعانين و غيرن عم يكبّ الأكل، ليش ناس بتستغلّ السلطة لتوصل و ناس مظلومة و حقوقها مأكولة؟! الجواب والقرار عندو، حكمتو مش عاطول منفهمها بس الأكيد انها لمصلحتنا لو ما بيّن هالشي بوقتها. يللي بيشفِيُن مثلا ما بيعني أبداً انّو بيحبن أكتر، لأنّو البَيّ ما بيفرّق بين ولادو، وإلّا كان شفي القدّيسة تريزيا الطفل يسوع أو القدّيسة رفقا والأمثلة كتار من سير القدّيسين اللي مرضو و انظلمو و تعبو...بس حبّ الرب إلُن رفعُن لمرتبة القدَاسة و شو هنّي صعوبات الأرض قدّام مجد السما! يا رب عطينا نقبل مشيئتك بضعفنا البشري و ننطر اليوم اللي بتقلنا فيه: ادخل فرح سيدك...الله معكن

[walaa farouk]

ميرسي على زوادة اليوم
ربنا يفرح قلبك

[سندريلا الحياة]

الللللللله عالكلام الجميل

[Mary Naeem]

آمين يا رب