تحرُّشات عقلية

[روشا الفرفوشه]

تحرُّشات عقلية


تخيَّل

عايزاك توسََّع مخك معايا كدة وتفرد خيالك على الأخر
تخيل لو وأنت ماشى فى الشارع بنت رَمتلك كلمة مش كويسة
تخيل كدة لو بنت قالتلك "..." جامد

تخيل لو بتكلم بنت وعنيها منزلتش عن "...."
طب تخيل بقى لو بتركب المواصلات والبنات تلزق فيك عشان لا موأخذة تلمس "...."
تخيل إنك الكائن الضعيف فى المجتمع وبيحصلك كل ده

تخيل إن البنات مش بيشوفوك غير (اسم الله على مقامك ) حيوان يشبع غرايزهم
تخيل انك بتكره جسمك من كتر كل ده ومحدش يحس بيك

تخيل انك بتحاول تدارى نفسك من عيون البنات عشان ميفكروش فيك كدة ومع ذلك بتلاقى ان مفيش فرق
تخيل انك لما بتشتكى يقولولك العيب فيك وهما معذورين ما هم بشر برضو وليهم احتياجهم

تخيل لو فوق كل ده يبقى عندك أعباء تانية بسبب كونك ذكر
تخيل لو وصلت بعد كل ده لحالة انت عارفها
هتعمل إيه ؟

أصل أنا بنت وبيحصلى كل ده فعلاً ... تخيل بقى !!

.

تخيل إنك صدَّقت كل الكلام اللي فوق ده

لو بصيت راح تشوف إيه ؟
وإن شوفت راح تعمل إيه ؟
وإن عملت راح توصل لـ إيه ؟
وإن وصلت راح تنتهي بـ إيه ؟

وإن إنتهيت راح تبدأ إمتي إنك تفكَّر بعقل الإنسان ؟

لك السؤال والإجابة و الفعل و الإثم و علامة الإستفهام في آخر السؤال ....... ؟

ونقطة وأبدأ انت السطر الجديد براحتك .


.................................................. .....
بـ عقل
جيمي & إيمي
.................................................. .....