ضهرك بيوجعك؟؟

[walaa farouk]

وجع الضهر له أسباب كتير قوي ..

منهم التهاب الفقرات ، الانزلاق الغضروفي، التهاب العضلات و الانسجة ، هشاشة العظام ..

لكن اللي ناس كتير ما تعرفوش الوجع النفسي ..
فيه ناس الم الضهر مالوش سبب عضوي .. تعمل كل التحاليل و الاشعات تلاقيها سليمة..

و لو دورت تلاقي صاحب الوجع كأنه حرفيا "شايل تقل رهيب علي كتافه" و ماشي بيه ..
لو صورت الموجوع "بكاميرا نفسية" ح تلاقيه شايل شيلة ،

أو يمكن تلاقيه شايل "واحد ، واحد بجد " علي كتافه ..

شيلة زي ايه ؟؟

اشهر شيلة شيلة زعل من حد و شايل خصامه و كراهيته علي كتافك

و ما عاتبتوش و لا سامحتوش ، و ماشي شايل حجارة الزعل علي قلبك ..

شيلة تانية ، زي حد سابك بعد ما قهرك و ظلمك ،
و انت لسه ما طلعتوش من حساباتك و عمال تفكر فيه و انت بتعشم قلبك انه ح يرجع ،
و بتكدب عقلك اللي عارف ان ده مش ح يحصل ..

نزل الحمل اللي عليك .. كفاية وجع "ضهر" ووجع "قلب" ..

اللي غلط عاتبه ، و لو ما نفعش سامحه و طلعه من مشاعرك و ابعد عن أذاه ،

و اللي سابك بعد ما حاولت ترجعه ابعد عن ذله و كسرة نفسك و ما تدورش عليه تاني في عقلك ..

و ابقي طمني علي "سلامة ضهرك" !!

ملحوظة : عفوا علي قسوة الصورة !!

[Mary Naeem]

صح الكلام
ربنا يباركك