بيقولوا ايه من وراك

[walaa farouk]

الناس لما بيتكلموا عليك قدامك ده بيبقي مجاملات أو أدب أو حسن رباية أو احراج أو خوف ..

لكن بيقولوا عليك ايه ورا ضهرك هو ده المهم ، حتي لو ما سمعتوش..

طبعا فيه ناس لو ولعتلها صوابعك العشرة برضه مش ح يرضوا عليك لانهم لا بيحبوك
و لا بيحبوا غيرك و لا طايقين نفسهم أصلا..

مش علي دول كلامي ، و الناس دي لا تسمعها و لا تهتم أصلا بكلامها السلبي
، اللي كله تحطيم ليك و للكل ..

باتكلم علي الناس الطبيعية اللي رأيهم ممكن يكون فيه شيء من الحقيقة .
. بيتكلموا علي سيرتك و تصرفاتك و قلة ذوقك و طبيعتك الشرسة و انانيتك و حبك لنفسك؟؟

و لا من غير ما تسمعهم بيتمنوا لك الخير و بيدعوا لك و يطلبوا لك طولة العمر و الصحة ..

يا تري لو كان عندك طاقية الاخفا و مشيت وسط الناس ح يكون كلامهم عليك ايه ؟؟

خمن و قول لنفسك و خليك امين و انت ح تتعلم كتير قوي ..