| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
19 - 02 - 2020, 10:07 AM
|
||||
|
||||
|
المسيح مكنشي ارثوذكسي ؟؟؟!! فجأة ... تلاقي واحد من اللي بيستغلوا بساطة اللي قدامه يقول بثقه : " عايزين نبقى كلنا قلب واحد ... المسيح لا كان ارثوذكسي ولا كاثوليكي "!!! وبرغم ان الكلام دا مش مظبوط قوي لكن ... ماشي يا سيدي ... المسيح مكانش ارثوذكسي ولا كاثوليكي بس كمان ... مكانشي بروتستانتي 😳 ولا هي المشكله في الارثوذكس والكاثوليك بس ؟!!!! المعترض : لا طبعا ... انا معاك ... مكانش بروتستانتي كمان ... - ايه المطلوب بقى ؟؟؟ - المعترض : المطلوب اننا نركن كل الخلافات دي على جنب ونعبد مسيح واحد نتفق عليه جميعاً - حلو ... كلام جميل - انهي مسيح بقى ؟؟؟!!!!!!! - المعترض : قصدك ايه ؟؟؟!!! - قصدي ... هنعبد انهي مسيح ؟؟؟ كلامي واضح ... - يعني مثلاً ... - هنعبد المسيح بطقس قداس ومذبح وكاهن وذبيحة ولا مسرح ودرامز وترانيم وعظة ؟؟؟؟!!! - عايز اعرف هيكون شكل العباده ازاي ؟؟؟ يعني انت عندك استعداد تعبد المسيح بنفس الطريقه اللي بيعبده بيها الارثوذكس من الفين سنه وزي ما اجدادك فضلوا الف وخمسمائة سنه يعبدوه بيها ولا مُصر على نظامك الحالي ؟ - المعترض : لا طبعا على نظامنا الحالي . .. انا مستحيل اصلي قدام ايقونه او اتشفع بواحد قديس زيه زيي بالظبط وكاهن يقدم ذبيحة غير ذبيحة الصليب ... دي عبادات وثنيه !!! - جميييييل ... يبقى انت مش عايز اننا نبقى واحد . .. انت عايزني اترك ايماني وعقيدتي وصلواتي وطقوسي وحياتي وابقى مثلك ... نسخه منك ..من طقسك وطريقة عبادتك ... متوقع مني اسيب طريق اجدادي اللي طلع قديسين وشهداء وعظماء في الروح اخرهم البابا كيرلس السادس رجل الصلاة والمعجزات والبابا شنودة العظيم في الروح وامشي ورا معتقد لخص المسيحية في ترنيمة ووعظة ؟؟!!!! ليه ؟؟؟ طريقي انا جربته خلال الفين سنه ... ومأخدتش منه غير كل خير وراحه وارتباط بالمسيح والسما ... ايه الجديد عندك ؟؟؟؟ ايه اللي هتضيفه لي مش عندي ؟؟؟!!! صورة جميله فيها كل التفاصيل والألوان الرائعه بتملى فيها وفي جمالها كل يوم ، تروح انت تمسحها بأستيكه وعايز تقنعني ان كدا افضل ! اما موضوع ارثوذكسي دا فعايزك تعرف ان ارثوذكسي مش مقصود بيها طائفة دي معناها #تعليم_وطريق_سليم ❤️ لذلك ... المسيح كان ارثوذكسي المنهج ... لما السامريه اللي هي مختلفة عن طائفة اليهود قالت له : - هو الصح اللي بيعملوه السامريين انهم بيعبدوا ربنا على الجبل دا ولا الصح اللي بتعملوه انتوا اليهود وتعبدوا ربنا في الهيكل ؟؟؟ - المسيح مقالهاش : - حبيبتي كلنا واحد ... جسد واحد ... قلب واحد ✋🏻 - لا طبعاً ... السيد المسيح في الايمان زي السيف 👌🏻 واضح ✋🏻 دا صح ... ودا غلط ... الميكس دا معندوش ... مش بتاع تلاته في واحد ... رد وقال لها : - "أَنْتُمْ تَسْجُدُونَ لِمَا لَسْتُمْ تَعْلَمُونَ، أَمَّا نَحْنُ فَنَسْجُدُ لِمَا نَعْلَمُ . لأَنَّ الْخَلاَصَ هُوَ مِنَ الْيَهُودِ." (يو 4: 22) - انتم ... امااااااا نحن ... - الخلاااااص من عند مين ؟؟ - روح قول للمسيح : - ليه التعصب والانغلاق والاعتقاد انك تمتلك الحقيقية المطلقه يا بابا يسوع ... ؟ - خليك اوبن مايندد ... - لذلك ... - قبل ما تجيني وتقولي المسيح مكانشي بتاع طوائف تفهمني هو قال للسامريه ليه كدا .... وقبل ما تقولي تعالي نعبد مسيح واحد وسيبك من الفُرقه تحدد لي بالتفصيل هنعبده ازاي ... بالطريقه اللي عاش بيها اجدادنا ولا على النظام الحديث المُختَصر ... الارثوذكسية_هي_عجيبة_الله ❤️✋🏻 
|
|
#2
19 - 02 - 2020, 12:30 PM
|
||||
|
||||
|
صح الكلام ربنا يباركك
|
|
#3
22 - 02 - 2020, 09:18 PM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| إن أعمال الله عجيبة | Mary Naeem | كنوز البابا شنودة الثالث | 0 | 25 - 08 - 2021 01:49 PM |
| الأرثوذكسية هي عجيبة الله الأولى والعظمى | walaa farouk | قسم المواضيع المسيحية المتنوعة | 2 | 16 - 10 - 2019 10:07 PM |
| خطة الله عجيبة | Ramez5 | موسوعة توبيكات مميزة | 2 | 16 - 02 - 2019 12:03 PM |
| عجيبة ٌ محبة الله | Mary Naeem | مواضيع وتأملات روحية مسيحية | 2 | 14 - 08 - 2014 11:09 AM |
| امور الله عجيبة | Mary Naeem | صورة وأية من الكتاب المقدس | 2 | 15 - 01 - 2014 07:12 AM |
العرض المتطور