16 - 02 - 2020, 09:26 PM
|
|
|
|
..::| الإدارة العامة |::..
|
|
|
|
|
|
مش كل اختبارات عمل الله بتفرح .. فيه اختبارات بتوجع :
• لما واحدة بتحكي عن ازاي ربنا اداها طفل بعد ٥ سنين ..
فيه واحدة بتتفرج وتتوجع وتقوله اشمعنا انا يارب صابر عليا ١٥ سنة .
• لما أب يحكي عن ازاي الله شفي ابنه من مرض خطير ..
فيه اب تاني بيتوجع ويقوله ليه يارب خدت ابني وما انقذتهوش زيه .
• لما حد يحكي عن ان الله بعت له اب روحي او حبيب او أخ سند و قد ايه هو سعيد .
. فيه شخص وحيد بيتوجع ويقوله امال ليه بتستجيب ليهم ومش بتستجيب ليا .
• فيه حد بيحكي عن ازاي الله عمل معجزة في الحادثة بتاعته وانقذه من شلل رباعي ..
واحد بيتفرج وهو بيقوله اشمعنا ما انقذتنيش زيه بدل ما بقالي سنين علي كرسي .
••• علشان كدة واحنا بنحكي عن عمل الله .. ناخد بالنا بنحكي قصاد مين
وهل اللي هحكي قصاده ده هيتعزي ولا هيتألم باللي هحكيه ..
فإسأل ربنا هل احكي او لا وفي اي توقيت ؟
وخلي يكون عندنا قلب أبوي يكون جوانا احشاء رأفات قصاد كل حد زينا
بس الله بحكمة ما استجابش ليهم ومازالوا بيسألوه ليه ؟ وجواهم ألغاز كتيرة ناحيته .
يمكن مشاعرنا واحشائنا واحساسنا بهؤلاء .. تكون اهم عند الله من كل المعجزات اللي عملها معانا .
|
