|
 |
 |
 |
|
رقم المشاركة : ( 1 )
26 - 01 - 2020, 11:50 PM
|
|||||||||||
|
|||||||||||
|
موسى قـــــد مــــــــــــــــات !!! فــــوق وصدق بقى!! يبدأ سفر يشوع وحديث الرب مع يشوع بهذه المعلومه أن موسى قد مات.. ليه يارب جاى تقوله كده؟؟ ماهو أكيد يشوع عارف لأنه كان تلميذ وخادم لموسى.. هو معقوله فيه حد فى شعب أسرائيل مايعرفش ان موسى مات؟؟؟ لما شخص بيموت.. أو حاجة تنتهى.. بنرفض نصدق ده... وكثيراً ما يضطر الرب أن يواجهنا بواقع نرفض أن نصدقه.... لأن ما رفضنا تصديقه هو سبب أننا دلوقت لا نستطيع التحرك...!! فتكون تلك المواجهه بدايه للحركة وبدايه للدخول الى منطقه جديدة فى الحياه. موسى لما مات كان هو وربنا فقط.. كل الناس لقوه فجأة مش موجود... جايز أفتكروه شوية وراجع كعادته... لكن ربنا وحده اللى يعرف أن موسى مات...!!!! موسى قد مات.. اللى فات مات خلاص.. المرحله اللى عدت خلصت. موسى قد مات.. العلاقه اللى كنت فيها ولسه عايش فيها وحدك خلاص ماتت وخلصت. موسى قد مات.. الماضى اللى عمال تعيد تكراره مات خلاص. موسى قد مات.. فلان مشى وفلان بعد وفلان مش هايقدر يكمل معاك وفلان فعلا مات.. بص لايدك اللى كان فيها دبله.. أو ايدك اللى كانت ماسكه أيديه... بص حواليك.. وبص لبروفايلك... وتليفونك وبص لحاجات كتير.... هاتتأكد أن.. موسى قد مات!! أمال أنت ليه لسه قاعد مستنيه؟؟ ولا أنت بتحاول يعنى تصحيه ولا بتعمل أيه؟؟ ليه مش بتعمل دورك ومش عارف أن أنت قائد الوقت اللى جاى؟؟ ليه مستنى اللى جاى يكون شبه اللى فات؟؟ ليه بتعمل حساب موسى وحساب وجوده؟؟ ليه مش عارف تعيش الجديد اللى ليك؟؟ ده حتى لما جه يسوع بنفسه لليهود كانوا لسه عايشين موسى... فمعرفوش يسوع!! يا صديقى... موسى مات خلاص!! سيب الميت للميتين!! موسى كان كويس وجميل... لكنه مات خلاص ودلوقت وقت يشوع!! موسى أخد وقته وفرصته بما فيه الكفايه... وأنت عارف كده كويس... ودلوقت لازم تصدق أن موسى مات.... عشان يشوع يعرف يعيش!!! حاجات كتيره عماله تحصل.. بتحاول تقنعك أن موسى مات خلاص!! لكن أنت مش عايز تصدق.. عايزه يفضل عايش وتفضل أنت قاعد متعطل عند قبره اللى متعرفش هو فين!!! قوم يا يشوع.. وعيش... !! أو قوم وعيش يشوع.. !!! أو قوم وعيش مع يشوع!! المهم أن ده زمن يشوع.. مش موسى... لأن موسى مات خلاص!!! ولو ماصدقتش هاتفضل قاعد مكانك... وهاييجى ربنا يقولك تانى وتالت وخمسين... موسى قـــــد مــــــــــــــــات !!! وَكَانَ بَعْدَ مَوْتِ مُوسَى عَبْدِ الرَّبِّ أَنَّ الرَّبَّ كَلَّمَ يَشُوعَ بْنِ نُونٍ خَادِمَ مُوسَى قَائِلاً: «مُوسَـــــــى عَبْدِي قَدْ مَـــــــــــــــــاتَ. فَالآنَ قُـــــــــــــــــــــــــمِ اعْبُرْ هذَا الأُرْدُنَّ أَنْتَ وَكُلُّ هذَا الشَّعْبِ إِلَى الأَرْضِ الَّتِي أَنَا مُعْطِيهَا لَهُمْ أَيْ لِبَنِي إِسْرَائِيلَ. ( يشوع 1 : 1 ، 2 ) #موسى_قد_مات 
|
|
27 - 01 - 2020, 03:45 AM
|
رقم المشاركة : ( 2 ) | |||
|
..::| مشرفة |::..
|
رد: موسى قـــــد مــــــــــــــــات
سلمت يداك ودام إبداعك المتواصل أختي الغالية ربنا يباركك ويكون معك دايما |
|||
|
|
|
29 - 01 - 2020, 12:07 AM
|
رقم المشاركة : ( 3 ) | ||||
|
..::| الإدارة العامة |::..
|
رد: موسى قـــــد مــــــــــــــــات
ميرسى على مرورك الغالى  |
||||
|
|
 |
|
العرض العادي
