اخر فرصة ب٢ونص

[walaa farouk]

محلات كل حاجه ب ٢،٥
بنشوف كتير أنواع من المحلات دي مكتوب عليها كل حاجه ب٢،٥ وتخش جوه المحل تقريبا ماتلاقيش ولا حاجه بالسعر ده ولو لقيت تفضل تجيب بحجه ان كل حاجه رخيصه وتخرج من المحل دافع فلوس كتير
أوقات كتير ابليس بيعمل معايا كده بيعرض عليا منتجاته بسعر رخيص والسعر ده هي كلمه (وايه يعني )ده ب ٢.٥وتخش جوه تلاقي إلحاجه اللي هاتاخدها مش رخيصه ودفعت فيها روحك ونفسك وجسدك ووقتك وصحتك وأعصابك وفي الاخر أبديتك وفجاءة وانت بتدفع تمن كل ده تلاقي علي الكاشير حاجات مرصوصة وفعلا ممكن تلاقيها رخيصه اوي فتقول لنفسك (وهي جات علي دي)
وتخرج خسران وابليس باعلك بضاعه بتمن غالي وهي رخيصه
اهرب من محلات ٢.٥بتاعت ابليس اللي يبهرك برخص اللي هاتاخده وفي الاخر احنا اللي بنرخص وبنشتري الرخيص بالغالي وتخرج خسران
أوعي تخش محل ابليس مهما كان مغري وتفضل تشتري وتقول وايه يعني ده رخيص لحد ماتلاقي نفسك دافع كل اللي عندك
اهرب من كلمه وهي جات علي دي علشان ممكن يكون اللي باقي منك هو اللي يخليك
ترجع بيتك السماوي بسلام
ترجع للي اشتراك بدمه ودفع فيك تمن غالي مش ب ٢.٥
اهرب من محل كل حاجه ب٢.٥