|
 |
 |
 |
|
رقم المشاركة : ( 1 )
03 - 01 - 2020, 10:12 AM
|
|||||||||||
|
|||||||||||
 ليه بنتقفل ؟؟؟ انتي اعجبتي بولد ، قربتوا من بعض ، قضتوا وقت جميل سوا ، شهر .. اتنين .. تلاته فجأة لاقيتي نفسك اتقفلتي منه ! فيه حاجة غريبة حصلت جواكي قتلت الشغف و السحر اللي كان جواكي ناحيته .. مع انه نفس الشخص و انتي زي ما انتي ! بنت كنت حتموت و تتعرف عليها ، حصل و بقيتوا اعز اصحاب .. شهر ... اتنين .. تلاته هوب بتتهرب منها ! مش عاوز تنزل تقابلها او حتي ترد علي رسايلها علي الواتس اب !! اتقفلت من الانسانة اللي كنت بتحلم بس توقف تتكلم معاها و لو 5 دقايق ..! الكاتبة Lisa Firestone بتقول في مقالتها Why the Spark Fades in a Relationship ان فيه اسباب كتير كفيلة انها تموت الشرارة بتاعة اي حب .. و اللي منها : - ان الانسان بطبعه لما بيكون عاوز حاجة بيبتدي يحفز نفسه انها حاجة عظيمة و عبقرية عشان يحمس نفسه انه يوصل لها و اللي بيكتشف بعد الوصول لها انها طبيعية زي اي حاجة في الدنيا ليها عيوب و مميزات - لما بنقرب من بعض اوي بناخد علي بعض فمش بيبقي فيه المجهود الكبير اللي بنعمله لما بنتعامل مع ناس غريبة عنا ، زي مثلا مقابلة مع حد اول مرة تشوفه حتكون مهتم تظهر بشكل مفهوش غلطة .. بس شخص عايش معاه كل يوم فعادي تبان بأي منظر - في الاول بيكون فيه فضول اننا عاوزين نكشتف بعض لابعد الخبايا و ده بيخلق جو المغامرة بس لو خلاص مفيش حاجة تانية نعرفها حيبقي مفيش جديد و اللي بيخلق حالة من الملل ! - ساعات الشرارة بتموت عشان الواحد بيحس انه بيسيح في الطرف التاني ، فمش بيحس بنفسه ! يعني في بدايه العلاقة لسه انا موجود بكياني القائم بذاته .. دلوقتي انا مرتبط بشخص و نسبة كبيرة من قراراتي راجعة لتوافقي مع الشخص ده .. و اللي ممكن يترجم عند البعض انه قيود و تضيق من حرية و ذات الشخص نفسه .. اسبااااب كتير اوي موجودة في المقالة .. و اللي توضح لنا ان موضوع " القفل " ملوش سبب واحد وحيد إنما عناصر كتير بتتجمع توصل الطرف المعين انه يحس انه مقفول من العلاقة دية .. و اللي بالمناسبة ديه حاجة مش طبيعية إنما بالعكس صحية !! المشكلة كلها إن محدش بيـstress علي مرحلة القفلة .. إنما كل علاقات الحب اللي بتتصدر لنا علي مدار حياتنا هي السفر و الخروجات و الفوتوسيشن و حفلات الخطوبة و اللحظات الرومانسية بتاعة الاغاني و الافلام .. بالرغم من مرحلة القفلة هي اعظم مرحلة في اي حب او بمعني اصح هي مرحلة الحب كله في الاصل !! .. هي بمثابة الصخرة اللي بتم اختبار قوة الحب عليها حيكمل و لا حيوقف ؟ .. مجرد نزوة مراهق او تسرع غير ناضجة .. و لا فعلا تعهد و التزام اتنين قرروا يختاروا بعض و يكملوا بالرغم من اي حاجة .. فاحنا بنتقفل و حنتقفل و طول ما احنا في اي علاقة حتمر علينا لحظات مودنا مش كويس ، عندنا ضغط في شغلنا او حياتنا ممكن يأثر علي ادراكنا العاطفي و يوصلنا اننا منظهرش في اجمل اوضعنا او ابهي صورنا !! . فالحب الحقيقي هو اللي بيجي في وقت الهدوء .. وقت الملل .. وقت القفلة .. 
|
|
03 - 01 - 2020, 10:33 AM
|
رقم المشاركة : ( 2 ) | ||||
|
† Admin Woman †
|
رد: ليه بنتقفل ؟؟؟
فالحب الحقيقي هو اللي بيجي في وقت الهدوء .. وقت الملل .. وقت القفلة صح الكلام ربنا يباركك |
||||
|
|
|
03 - 01 - 2020, 11:58 AM
|
رقم المشاركة : ( 3 ) | ||||
|
..::| الإدارة العامة |::..
|
رد: ليه بنتقفل ؟؟؟
مشاركة جميلة ربنا يفرح قلبك |
||||
|
|
|
04 - 01 - 2020, 01:14 PM
|
رقم المشاركة : ( 4 ) | ||||
|
..::| الاشراف العام |::..
|
رد: ليه بنتقفل ؟؟؟
ميرسى لمروركم الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| غزالة تنتقـم لصغيرها من كلب وقط لايفوتكم |
العرض العادي
