زوّادة اليوم: في إشيا لازم تعملها بلا ما حدا يقلك : 31 / 12 / 2019 /

[souad jaalouk]

زوّادة اليوم: في إشيا لازم تعملها بلا ما حدا يقلك

في امور بتحسها من البديهيات بالحياة مثلا ما الك عين يكون زلمي قد بيّك تجي تقلّو عمّو اذا بتريد ما تكب السيجارة عالأرض يمكن تولّع الدني شبعنا حرايق، ما الك عين تقول لشب اطول منّك بالجامعة ما تترك كبّاية النسكافيه عالمقعد او ما تكب ورقة الشوكولا عالأرض، ما الك عين تقول لحدا بليز ما تكب كيس الزبالة من السيارة و يجي عالأرض عطي دقيقة من وقتك و كبّ الكيس بالمستوعب، ما الك عين تقلها مدام بليز ما تاكلي فول و تكبّي من الشبّاك خلّي معك كيس بالسيارة!...ما فيك تطالب بوطن حضاري اذا اقل البديهيات انت ما بتعملها، ما بيحقلك تطلب بلد نضيف اذا انت مش مبلّش من حالك من بيتك من حَيَّك من جامعتك من الطريق اللي بتمرق عليها! هالشي بينطبق عالحياة الروحيّة كمان مش بس الإجتماعيّة! ما تنطر ينقلّك روح عالقدّاس، صوم، صلّي، ما تكذّب، ما تسرق، احترم اهلك...في اشيا لازم تعملها بلا ما حدا يقلّك...المطلوب شويّة مسؤوليّة بكل شي!...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب