زوادة اليوم: رجال فقير بالعيد : 27 / 12 / 2019 /

[souad jaalouk]

زوادة اليوم: رجال فقير بالعيد

بيخبّرو عن رِجّال بعيد الميلاد، شاف كل أصحابو عَم ياكلو لحمة وأطيب المآكل. بيوصل على البيت بيلاقي مرتو محضّرة العشا، وكان العشا فُول، بيصلّو وبياكلو، وبنهاية الأكل بيعايدو بعضُن، وبيقولو: «ولد المسيح! كل سنة ونحنا طيّبين». وشكرو الله على الأكل يلي أكلوه وعلى كل العطايا يلّي الرب عطاهُن ياها، يلّي ما منقدر نحصيها ولا نعدّها، وكانو ناس كتير سعيدين. بعد الصلاة، جمّع قشر الفول بكيس بلاستيك وقرّر يروح يكبُّن ببرميل الزبالة، وقرّر يتمشّى شوي. وهوّي وراجع، كانت المفاجئة، بيشوف مَرا فقيرة قاعدة حَدّ برميل الزبالة بإيدها كيس قشر الفول عم تعصُر عليه ليمونة حامضة، وعم تاكل وتشكر الله على العطية يلّي عطاها ياها. وكانت عَم تاكل بمنتهى السعادة.
الزوّادة بتقلّي وبتقلّك
مهما كانت حالتك، في ناس أحوَج منك بكتير، لازم أنا وإنت نتعلّم نشكر الربّ على حالتنا وعلى كل العطايا يلّي عطانا ياها، والله معك.

[Mary Naeem]

آمين يا رب

[walaa farouk]

ربنا يبارك خدمتك الجميلة