كلمة "افتقاد"ارتبطت في اذهاننا بزيارة الخادم في البيت
وانه يدعوك للاجتماع !
لكن الافتقاد الحقيقي مش مرتبط بزيارة خادم في البيت
الافتقاد ببساطة شديدة عمل الهي
عن طريق استخدام بشري يعني شخص يبعتهولك ربنا
في سقوطك ويقيمك من خلاله ..
سواء في سقوطك المادي او سقوطك المعنوي
او سقوطك الروحي ..
وعبر مراحل وشخصيات الكتاب المقدس
لازم هتلاقي فكرة الافتقاد .. مثلا هتلاقي :
•
بولس في بداية رحلته سقط من علي الحصان
والله افتقده عن طريق حنانيا .
• ابراهيم سقط في يأسه نتيجة تأخر اسحق
والله افتقده من خلال 3 رجال من السما .
•
داود سقط في الزني والله افتقده واسترده تاني
من خلال انه بعت له النبي ناثان .
•
الله لما حب يفرح اليصابات افتقدها عن طريق مريم العذراء
وهي في بطنها الجنين المسيح .
• بطرس انكر ظ£ مرات وبعد عن دعوته ورجع يصطاد
والمسيح افتقده بنفسه ورجعه تاني .
***
كلنا محتاجين الافتقاد الحقيقي ده
حالات الاكتئاب والانتحار دي حلها صدقوني في الافتقاد ده .
. والافتقاد ده مش معناه ان حد يسأل عليك ويشفق عليك ويمصمص شفايفه او يقولك كلمتين حقيقيين من بتوع التنمية البشرية .
لكن شخص ياخد قوة ونعمة من ربنا خاصة بيك وييجي يوصلهالك ..
يارب افتقدنا .. افتقد نفوسنا تاني
مش بطريقتنا احنا لان محدش بقي عنده حاجة يقدمها .
. اخرنا هنفضل نبكي علي حال بعض ونرثي في بعض .
. لكن افتقاد من عندك انت وبطريقتك انت
، انت عارف ايه وقعتنا وسقطتنا جوة اعماقنا
وعارف هتقدر تداويها بمين وازاي وامتي ؟
بس من فضلك متتاخرش علينا
افتقدنا .. افتقادات خاصة من عندك تصنع الفارق في حياتنا .
