في الخدمة يا ايها المسؤول( Take it easy )

[walaa farouk]

في العالم
كلما ارتفع وعلي المركز زادت السلطة والتحكم وزاد الأمر والنهي أما في #الخدمة
فكلما زادت المسؤولية وارتفع المركز الخدمي ...
كلما زاد الانسحاق واحتمال الاخرين وزاد الاحتواء

في الخدمة
يا ايها المسؤول
أيا كان موقعك :-

Take it easy
لما تلاقي حد تعبان ومتضايق
.. حتي لو هو غلطان وانت مش غلطان ..
. اعتذر له .. احتويه ... قدم له حب ..
وبعدين لما يهدي ابقي اقعد وعتاب

Take it easy
خليك "خيشة " كل اللي معاك وتحت ايدك يمسحوا فيها رجليهم "لا مؤاخذة "وهم داخلين خدمتهم ..
يجري ايه لو حد منهم مخنوق من اي حاجة واتعصب عليك

Take it easy
مش مهم كلمتك تمشي ويسقفوا لك انت
حتي لو انت السبب واللي تعبت ..
زق اللي حواليك وكبرهم .. افرح أن المديح هرب منك ...

Take it easy
خلي هدفك سلام الخدمة مش شكلها وأبهارها ...
خلي هدفك العمق حتي لو اتقال عليك
.. انك مش جذاب ومش شاطر وممل ومش زي استاذ فلان

Take it easy
علي فكرة مش عشان انت قائد تبقي بتعرف تعمل كل حاجة .
.. وعيب تسأل أو تستشير خادم صغير ...
قول ماعرفش ... اه ... عادي
لو مش قادر .. بص في المراية وقولها كذا مرة لنفسك ...
انا ماعرفش ...
هاتلاقيها سهلة

واخيرا
اذا أراد أحد أن يكون اولا "في السما طبعا"
فيكون اخر الكل وخادم الكل

[souad jaalouk]

واخيرا
اذا أراد أحد أن يكون اولا "في السما طبعا"
فيكون اخر الكل وخادم الكل

ربنا يبارك تعب محبتك وخدمتك أختي الغالية

[Mary Naeem]

لو مش قادر .. بص في المراية وقولها كذا مرة لنفسك ...
انا ماعرفش ...
هاتلاقيها سهلة

مشاركة جميلة جدا
ربنا يبارك حياتك

[Ramez5]

موضوع مثمر
ربنا يبارك خدمتك

[walaa farouk]

ميرسي على مروركم الغالي