أنا ضد العالم

[walaa farouk]

جملة جميلة قالها العظيم البابا أثناسيوس الرسولي ، حينما كان العالم كله أصبح أريوسياً
وإحنا كمان لازم نقول الجملة دي ، لأننا بنقابل مواقف كتير في حياتنا
بيكون الرد الأمثل عليها هو " أنا ضد العالم
" بس للأسف بيكون في رد تاني وهو " إشمعنى أنا " زي مثلاً :

+ كل أصحابي سواء في المدرسة وحتى الكنيسة بيشتموا ويكذبوا ، إشمعنى أنا
+ كل زمايلي في الشغل بينصبوا وبيجروا على مصلحتهم ، إشمعنى أنا
+ كله بيعمل علاقات مع الجنس الأخر ، إشمعنى أنا
+ كله بيلبس اللبس الفلاني والعلاني براحتهم ، إشمعنى أنا
+ كل أصحابي بيشربوا خمرة ومخدرات ، إشمعنى أنا
+ كله بيتنازل عن مبادئه عشان الدنيا تمشي وبيتلوّن بكذا لون عشان يعجب الناس ، إشمعنى أنا

ومواقف كتير كتير متتعدش .. لما البابا اثناسيوس قال " أنا ضد العالم "
. كان عايز يعلمنا إننا لازم نمشى عكس تيار العالم !!!
إيماننا هو الصح و مبادئنا هي الصح ... لازم ندافع عن إيماننا ومبادئنا ...
بلاش نتنازل عنهم بسهولة قصاد أي حاجة في العالم مهما كانت

الناس بقيت بتستسهل الباب الواسع وبتتنازل بمنتهى السهولة عن مسيحها ،
مع إن الباب الضيق هو اللي بيوصل للسماء ...
هو فعلاً طريقه ضيق ولكن بقوة الله نقدر نعدي الصعب

" اُدْخُلُوا مِنَ الْبَاب الضَّيِّقِ ، لأَنَّهُ وَاسِعٌ الْبَابُ وَرَحْبٌ الطَّرِيقُ الَّذِي يُؤَدِّي إِلَى الْهَلاَكِ
، وَكَثِيرُونَ هُمُ الَّذِينَ يَدْخُلُونَ مِنْهُ ! مَا أَضْيَقَ الْبَابَ وَأَكْرَبَ الطَّرِيقَ الَّذِي يُؤَدِّي إِلَى الْحَيَاةِ ،
وَقَلِيلُونَ هُمُ الَّذِينَ يَجِدُونَهُ ! "

[سندريلا الحياة]

جميله جداااا

[Mary Naeem]

الناس بقيت بتستسهل الباب الواسع وبتتنازل بمنتهى السهولة عن مسيحها ،
مع إن الباب الضيق هو اللي بيوصل للسماء ...
هو فعلاً طريقه ضيق ولكن بقوة الله نقدر نعدي الصعب

موضوع مميز
ربنا يباركك

[walaa farouk]

ميرسى على مروركم الغالى