حسنة هي الغيرة في الحسني ( غل 18:4 )
تعرف ان فيه غيرة مقدسة ؟؟
اه .. فيه غيرة حلوة وربنا بيحبها
لما تغيير من حد بيصلي ويصوم ونفسك تبقي زيه
لما تغيير من حد بيخدم بكل طاقته وقلبه
لما تغيير من حد بشوش ومفرح للقلوب وخدوم ومحب للكل
لما تغيير من حد ناجح وشاطر في شغله ونفسك تبقي انت كمان ناجح
وده يخليك تغير حياتك للاحسن ويبقي نقطة تحول إيجابية في حياتك
لما تلاقي حد بيطور من نفسه ومن حاله وشغال علي نفسه طول الوقت وعايز تعمل زيه
لما تلاقي فيه حد بيجامل الناس وبيساعدهم ويقف جنبهم
ويحاول يحل مشاكلهم وجدع ورجوله ونفسك تبقي زيه
غيير من اللي بيعمل خير وبيحوش بركات ويصلي ويصوم ويطلع خلوة ويساعد وينجح ويطور نفسه
ودايما ربنا عنده هو الهدف
لو انت بتغيير من الناس دي وبسببهم هتغير حياتك للافضل ومش هتقعد تحقد وتحسد وتغل
هتبقي غيرة مقدسة
وتبقي بتنفذ الايه الجميلة حسنة هي الغيرة في الحسني
