| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
10 - 08 - 2019, 07:06 PM
|
||||
|
||||
 من فترة طلبت من ابني يغيرلي لمبة الحمام 💡.. و كأي رجل اصيل الحقيقة ما قصرش 😌 .. قالي اجمل كلمة ممكن اي ام تسمعها 😍 . . (حاضر يا ماما .. قولت لحضرتك هعملهالك كمان نص ساعة .. مش لازم كل اسبوع تفكريني !! ) 🙄 و انا كأي ست اصيلة برضه لفحت السلم على كتفي و دخلت اغيرها بنفسي و انا بقول بصوت مسموع "ربنا مايحوجنا لحد هتوديني دار المسنين امتى يابن بطني" !!! 😒.. الحقيقة عرق الشهامة نقح و قام إتنحرر .. و لله الحمد 🙏 في ثانية راح مشمر و يدوبك طلع اول سلمتين و بعدين رجليه اتسمرت مكانها 😅 ..ندهلي بصوته الجَهوري الذي يهتز له ارجاء المعمورة : (((( مممامممماااااااع )))) 😖 بمنتهى اليادي_النيلة المصحوبة بندب حظي على خيبتي التقيلة مسكتله ديل البنطلون و قولتله بكل ثبات و قوة .. محاولة كتم الضحكة .. اطلع يا روحي ماتخافش_انا_ماسكاك_كويس 👌.. و هوب سبايدر مان ظهر من خلف التيشرت و الأربع لمبات اتغيروا ف ثانية .. و انا على كلمة واحدة (ياختي ياختي ياختي ياختي ) بأداء عبلة كامل 😅 في نفس اليوم اتفرجت بلليل على فيلمthe_walk.. بيحكي قصة واحد كل مناه انه يتحدى نفسه و يحقق رقم قياسي و يمشي على حبل موصول بين مبنيين بإرتفاع شاهق جدا !! لاحظت انه لازم يمسك عصاية طويلة علشان يوزن نفسه و هو ماشي .. (يكفيه جدا انه يفتح دراعاته علشان يحقق التوازن برضه على فكرة) .. بس اللي حسيته فعليا ان الفكرة مش بس توازن . . الفكرة اعمق و اكبر .. إحساس_الأمان ✊ و هو دة بالظبط اللي ابني كان محتاج يحسه لما مسكتله ديل البنطلون 😏 .. العصاية او مَسكتي مش هتحمي من السقوط . . فعليا هي مافيهاش اي عنصر حماية حقيقي .. غير .. (إحساس الأمان ) فكرة الأمان و الدعم و الإطمئنان 👌. . ان فيه حاجة نتسند عليها او حد ماسكنا و واخد باله مننا💪 . .موجود في ضهرنا لو وقعنا يلحقنا 🤝 . . إحساس الأمان هو المصدر الحقيقي اللي ممكن يخلينا نتخطى اي صعب .. هو الصوت الداخلي اللي بيأكدلنا اننا جامدين اوي و قد التحدي و نقدر نفوت في الحديد .. احساس كافي جدا انه يديك طاقة و دفعة و ثقة انك هتوصل ..👍 قد ايه بنحتاجه و بنطلبه دايما من غير ما ناخد بالنا .. بنديه بفيض من غير حساب للي بنحس ناحيتهم بمسؤولية و إهتمام . . احساس بيخلينا نقرب اكتر من مصدره ، نجري عليهم و نفضل في ضلّهم نستمد منهم الدعم 🤗 💚.. و هو برضه اللي بيخلينا ننفر و نهرب من الحاضرين_الغائبين .. اللي ساعة الجد بيختفوا. . اللي بيكسروا المقاديف و بيشعوا طاقة سلبية و دايما يهزوا ثقتك في نفسك و الناس و الظروف و الدنيا و كل كليلة .. !!! 😒👎 الأمان هو اهم و اقوى شعور ممكن تهدوا بيه اللي بتحبوهم .. طاقة تدفعهم #يعملوا_المستحيل 😍 .. دة ممكن يعمل طفرة جينية و تخليه يغير اللمبة من تاني اسبوع بس !! انت متخيل يا مان !🙊 إحساس_أمان دوس_ماتخافش يا_عم_مسكاك_والله يعني_ديل_البنطلون_فيه_ايرباج !!؟؟ مماااااماااااااع يا_زين_ما_خلفتي_يا_زينب 
|
|
#2
24 - 08 - 2019, 11:24 PM
|
|||
|
|||
|
موضوع رائع
فعلا الامان احتياج انسانى جدا ربنا يبارك فى خدمتك حبيبتى
|
|
#3
26 - 08 - 2019, 09:38 PM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ما تخافش | الصخره | الترانيم المصورة | 3 | 27 - 01 - 2020 06:45 PM |
| ما تخافش | Mary Naeem | صورة وأية من الكتاب المقدس | 2 | 12 - 09 - 2015 09:19 AM |
| ما تخافش | Mary Naeem | صورة وأية من الكتاب المقدس | 0 | 12 - 05 - 2015 07:08 PM |
| ما تخافش | Mary Naeem | صورة وأية من الكتاب المقدس | 0 | 03 - 09 - 2014 05:46 PM |
| ما تخافش | Mary Naeem | صورة وأية من الكتاب المقدس | 1 | 20 - 06 - 2014 06:22 PM |
العرض العادي
