كلمة فى نفسيتك ياخادم

[walaa farouk]

خليك متأكد انك فى رحلة خدمتك هتلاقى حروب كتيرة ومستمرة
ممكن تبقى حروب كبرياء او تذمر او صغر نفسك او عدم احتمال او اشاعات
او عدم تقدير او او .. لكن من وجهه نظرى ان اصعب الحروب دى هى ( حرب النفسية )
اللى هيا نفسيتك تتعب ممكن من ظروف بتمر بيها او من موقف
او من كلمة اتقالتلك او من علاقة اتأذيت منها او غيرها من الاسباب ....
. فنفسيتك تتعب فتقول مش قادر اخدم
وتبقى بين نارين ما بين عاوز تكمل خدمة وما بين مش قادر تخدم
لانك ممكن تطلع تعبك ده على الخدمة
وفى تفاصيل كتيرة هاتمر بيها فى الوقت ده بس مش عاوز اطول فيها
بس الاهم انك بقى لو فعلا عاوز ترجع تكمل خدمتك من جواك ...

اول حاجة صلى كتير وحط تعبك فى صلاتك وخليك ثابت فى ربنا لان ثباتك ده هايقويك جدا

تانى حاجة اقعد مع خادم اقدم منك فى الخدمة واعمل بنصيحته لانه ادرى بالحرب دى وبحلولها

تالت حاجة شجع نفسك وافتكر ان بيك ربنا عمل حاجات كتيرة فى ولاده ...
وان خدمتك عاوزاك وان باب كنيستك مفتوح ليك ..
وافتكر كل الخدمات اللى عملتها وفرقت مع المخدومين اللى لولاك مكنتش اتعملت فوجودك مهم جدااااا

بس خد بالك متكملش خدمتك غير لما تبقى مرتاح نفسياً

بمعنى اصح عالج نفسيتك بخدمتك لكن مش فى خدمتك

[Mary Naeem]

بمعنى اصح عالج نفسيتك بخدمتك لكن مش فى خدمتك

صح يا قمر
ربنا يباركك حببتي