عكس ما تتوقع

[walaa farouk]

في مرة يسوع وهو بيتمشي مع بطرس ..
قال له عارف يا بطرس

اَلْحَقَّ الْحَقَّ أَقُولُ لَكَ: لَمَّا كُنْتَ أَكْثَرَ حَدَاثَةً
كُنْتَ تُمَنْطِقُ ذَاتَكَ وَتَمْشِي حَيْثُ تَشَاءُ.
وَلكِنْ مَتَى شِخْتَ فَإِنَّكَ تَمُدُّ يَدَيْكَ وَآخَرُ يُمَنْطِقُكَ،
وَيَحْمِلُكَ حَيْثُ لاَ تَشَاءُ»." (يو 21: 18)

يعني بالعامية انت دلوقتي بتجر رجلك
وتختار لنفسك ايه اللي يعجبك وايه اللي ما يعجبكش
.. لكن هييجي وقت هتروح لحاجات ماكنتش متخيل
انك ممكن في يوم تروح لها .
. هتبطل حاجات ماكنتش متخيل في يوم انك تبطلها
وده لانك مش انت اللي هتمشي نفسك
لكن آخر يحملك (الروح القدس)

يسوع كان قاصد بده الموت ..
بطرس كان بيترعب من حاجة اسمها صليب
وموته وسمه حد يجيبله سيرة الصلب ..
زي ما تقول حاجة زي الفوبيا
واكتر لدرجة ان وقت صلب يسوع عك الدنيا
وخبط في الكل ، لكن بعد ما نال الروح القدس
حصل زي ما يسوع قاله عمل اللي مكانش عمره يتوقعه .
. لما قالوله هتتصلب ..
صرخ وقال لأ انا مستاهلش اتصلب زي سيدي
اصلبوني منكس الراس ودي موتة اصعب منها بكتير ..
علشان كدة مكتوب ان يسوع كان بيشير لموتة هيمجد بيها الله .

وهنا رسالة عظيمة ليك وليا .
. لو ماشي مسيرة روحية مع يسوع
هييجي وقت وهتعمل حاجة
انت عمرك ما كنت فاكر انك تقدر تعملها ..
هتسيب عادات انت عمرك ما كنت تتخيل انك تسيبها ..
هتترك أماكن واشياء واشخاص انت مربوط فيهم
ماكنتش تتخيل انك تقدر علي ده
.. هتخدم خدمات صعبة جدا
مكنتش تتصور ان ييجي اليوم وتخدمها .
.وجايز تتعاون مع ناس ماكنتش متخيل
انك هتقدر تتعامل معاهم ويكون فيه شركة بينكم .
. وكل ده مش منك لكن بقوة الروح القدس بس .

إديله مساحة ..

[Mary Naeem]

مكنتش تتصور ان ييجي اليوم وتخدمها .
.وجايز تتعاون مع ناس ماكنتش متخيل
انك هتقدر تتعامل معاهم ويكون فيه شركة بينكم .
. وكل ده مش منك لكن بقوة الروح القدس بس

صح يا قمر
ربنا يباركك حببتي