| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
06 - 08 - 2019, 08:15 AM
|
|||
|
|||
|
راجل بسيط جدا اتعود من صغره انه يدفع العشور لربنا عشور كل حاجه في حياته وقته ورزقه وفي مرة قرر يحوش مبلغ ضخم على بعضه علشان يجيب بيه حاجات كتيرة يوزعها على الناس الفقرا وفضل يحوش عشور دخله في ظرف في جيب بدله قديمه مكنش بيلبسها ومعرفش حد خالص من اللي عنده في البيت بالموضوع ده فات شهر واتنين وتلاته وسنه والمبلغ كبر ورغم احتياجه اوقات .. الا انه عمره ما مد ايده عليه وف مرة تعب جدا .. وكان لازم يعمل عمليه كبيرة وخطيرة جري على مستشفى خاصة كبيرة علشان يسألهم عن التكلفه ، لكنه معرفش يقابل حد .. ولقى واحد عجوز غلبان بدقن بيضه طويله بيعمل لإبنه نفس العملية ولما سأله عن تكلفتها .. لقاه دافع مبلغ كبير جدا وللاسف المبلغ ده مكنش متاح معاه رغم انه شايل في جيب البدله ظرف فيه اللي يكفي العمليه وزياده صاحبنا قرر يعملها في مستشفى بسيطه على ايد دكاتره بسيطه ورغم بكاء اولاده وزوجته عليه الا انه ماضعفش لحظة ويوم العملية اتفاجئ بإن العملية نجحت بسلام رغم خطورتها شكر ربنا جدا .. وعرف ان ربنا طبق معاه الاية اللي بتقول اعطوني العشور وجربوني فساعتها رفع ايده وقاله بس انت لسه مخدتش مني حاجه الفلوس في البيت وجري صاحبنا على البيت علشان يديهاله كما هي .. وربنا يوزعها بحكمته لكن للاسف ملقاش البدله ولما سأل مراته عليها قالت انها وديتها الكنيسة مع شوية لبس تانيين محدش بيلبسه جري على الكنيسة وسأل الكاهن عن البدله قاله فيه واحد مسكين خدها من اسبوع ، واداله عنوانه جري على العنوان علشان يقوله خد البدله وهات اللي فيها فإتفاجئ ان اللي فتحله الباب هو الراجل العجوز ابو دقن بيضا اللي قابله في المستشفى بصله العجوز وقاله خير يا ابني اقدر اساعدك بحاجه !! فإبتسم صاحبنا وقاله .. ربنا باعتني اطمن على ابنك واقولك الف حمدالله على سلامته .. ..... ربنا مابيخلقش حاجه صدفه ثق ان اللي يضيع منك .. غيرك احق بيه وثق ان مع كل قرش مفقود من اجل الرب ، تملئ جيوبك من خزائنه ، وحياتك من مراحمه الجيوب الممتلئه من اجل نفسها تفرغ ، اما الممتلئه من اجل الغير لا تفرغ ابداً طول مانت عايش ارمي في بذور وثق انك هاتحصد ثمار .. تشبعك الى المنتهى ،، واتعود في حياتك ماتبكيش على اللي يضيع لانه اذا كان خير .. فراح للي محتاجه اكتر منك وان كان شر .. فربك بعده عنك لانك طيب وماتستهلوش ❤ 
|
|
#2
06 - 08 - 2019, 08:46 AM
|
||||
|
||||
|
وثق انك هاتحصد ثمار .. تشبعك الى المنتهى ،، واتعود في حياتك ماتبكيش على اللي يضيع لانه اذا كان خير .. فراح للي محتاجه اكتر منك وان كان شر .. فربك بعده عنك لانك طيب وماتستهلوش ⤠ربنا يبارك خدمتك
|
|
#3
06 - 08 - 2019, 10:44 AM
|
||||
|
||||
|
لانه اذا كان خير .. فراح للي محتاجه اكتر منك
وان كان شر .. فربك بعده عنك لانك طيب وماتستهلوش قصة جميلة جدا ربنا يبارك حياتك
|
|
#4
06 - 08 - 2019, 11:03 AM
|
|||
|
|||
|
ربنا يعوضك نورتي الموضوع
|
|
#5
06 - 08 - 2019, 11:04 AM
|
|||
|
|||
|
اقتباس:
شكرا لمرورك نورتي الموضوع
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| نفسي انهارده تبقي آخر حاجه من أي حاجه معطلاني عن ربنا | walaa farouk | قسم المواضيع المسيحية المتنوعة | 0 | 28 - 02 - 2024 08:13 PM |
| ربنا معندوش اى صدفه بتحصل | walaa farouk | أقوال الأباء وكلمة منفعة | 0 | 03 - 12 - 2023 09:03 PM |
| مفيش حاجه صدفه مع ربنا | walaa farouk | قسم المواضيع المسيحية المتنوعة | 0 | 16 - 02 - 2021 09:22 PM |
| ربنا مابيخلقش حاجه صدفه | Mary Naeem | موسوعة توبيكات مميزة | 2 | 06 - 12 - 2017 01:19 PM |
| واحد بيقولي مفيش حاجه اسمها ربنا وكل اللي بيحصل دا صدفه | Mary Naeem | قصص مسيحية متنوعة | 5 | 20 - 04 - 2017 12:35 PM |
العرض العادي
