نجنا من تذكار الشر الملبس الموت
تبقي قاعد مبسوط وكويس وكله تمام
وفجأة تلاقي نفسك مقبوض ومتضايق ومخنوق ومش عارف ليه
تبقي بتتكلم كويس مع اللي قدامك ومره واحده تكشر وتقفل في الكلام وتضرب بوز
تلاقي نفسك مش عارف تفرح بحاجة
دايما مكتئب وحزين ومش عايز تعمل حاجة
تحب جلد النفس وتفتكر كل حاجة وحشه وسلبيه في حياتك
ودايما باصص للجانب المظلم ودايما شايف نفسك ناقصك حاجات كتير
ودايما شايف ان ربنا بيعاقبك بسبب البلاوي اللي بتعملها
وتفتكر خطايا من كذا سنة واعترفت عنها خلاص وتقعد تقول انا وحش انا هااخش النار
كل ماتبقي مبسوط تلاقي نفسك بتفكر في حاجه تضايقك وتنكد عليك
ده بقي اسمه تذكار الشر الملبس الموت
يعني يخليك دايما تفتكر كل حاجه وحشه عملتها
وكل خطايا الشباب والطفوله والجهل
وتزعل عليها او تفتكرها وتتلذذ بيها
وتبقي عايز ترجعلها تاني
اول ماتحس باي اعراض من دي افتكر علطول
ان عدو الخير بيغلس عليك
وقوله فورا اذهب ياشيطان
واطلب معونه من فوق وقوله
نجينا يارب من تذكار الشر الملبس الموت
وهتلاقي وشك ضحك لوحده
