ما باليد حيلة

[walaa farouk]

"كان في ايدي ايه ممكن أعمله؟"
سؤال استنكاري كتير مننا بيطرحه لما نواجه صعوبات
وتحديات مالهاش حل وتبان اصعب من قدراتنا وامكانياتنا...
خليني أحكيلك كام موقف يغيروا سؤالك دة!

"ايه اللي في ايدك دة؟" الله سأل السؤال دة لموسى وهو على الجبل
قبل ما يرسله علشان يُخرِج شعبه من مصر…
سؤال غير متوقع من الله الكلي المعرفة! هل الله سأل لعدم معرفته بشكل العصايا؟ حاشا!
لكنه سأله علشان موسى يدرك "ضعف إمكانياته"...

“فقالَ لهُ الرَّبُّ: «ما هذِهِ في يَدِكَ؟» فقالَ: «عَصًا».” الخُروجُ‬ *4:2‬
وكأن موسى هيقول" ما باليد إلا عصايا"!
وفي لحظة .."العصا" أو اللاقيمة في يد موسى أصبحت في يد الله قوة تشق البحر…
تخرج المياه من صخرة…تعطي النصرة في الحروب!

ونفس السؤال طرحه يسوع على تلاميذه لما آلاف كانوا منتظرين وجعانين.
يسوع اللي يقدر يعرف افكار الناس، مش قادر يعرف كام رغيف معاهم؟؟ حاشا!
“فقالَ لهُمْ: «كمْ رَغيفًا عِندَكُمُ؟ اذهَبوا وانظُروا».
ولَمّا عَلِموا قالوا: «خَمسَةٌ وسَمَكَتانِ».” مَرقُسَ‬ *6:38‬
وكأنه عاوزهم يشوفوا.. ان ما باليد الا خمس خبزات!
الخمس خبزات والسمكتين في ايدينا يمكن تكفي شخص او اتنين
لكن في يد الله القديرة تكفي فوق الألفين!

دعوتي ليك ولي النهاردة اننا:
مهم ندرك ونقبل ضعف امكانياتنا مهما كانت،
لكن الاهم نيجي ونسلمها في يد الله القديرة،
نطلب معونته اننا نعمل مشيئته بأمانة،
ونفتح عيون قلوبنا على عظمة البركة اللي هيفيض بيها علينا!

فعلاً، ما باليد حيلة...لو اعتمدت على يدك وحدها!
“سلِّمْ للرَّبِّ طريقَكَ واتَّكِلْ علَيهِ وهو يُجري،”
**المَزاميرُ‬ *37:5‬

[Mary Naeem]

فعلاً، ما باليد حيلة...لو اعتمدت على يدك وحدها!
“سلِّمْ للرَّبِّ طريقَكَ واتَّكِلْ علَيهِ وهو يُجري،”
**المَزاميرُ‬ *37:5‬

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى