| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
20 - 07 - 2019, 04:15 AM
|
||||
|
||||
 من أكتر المصطلحات اللي إحنا مش قادرين نفهمها صح في حياتنا الروحية هو مصطلح الإدانة .... فتلاقي نفسك عاوز تتكلم عن مشكلة ومش قادر لإن الناس هاتنظر لها على إنها إدانة منك فتقوم الناس تدينك علشان ماتدينش المشكلة اللي هما شايفين إنها إدانة مع إنها مش إدانة طب هافهمك.... إيه هي الإدانة....؟؟؟؟ تعالى أقولك مثلين أشرحلك بيهم الموضوع.... #المثل_الأول : إنت شوفت أخوك مثلاً بيشتم.... فروحت قولت للناس ياخوانا الشتيمة حرام وعيب.... #المثل_التاني : إنت شوفت أخوك بيشتم.... فروحت قولت للناس ياخوانا فلان الفلاني دة راجل غلاط وشتام ولسانه متبري منه وأي حد هايتعامل معاه هايشتمه.... في المثل الأول إنت لم تدين الشخص لكن إنت أدنت الخطأ.... لكن في المثل التاني إنت أدنت أخوك وحكمت عليه.... مافهمتش...؟؟؟ طب تعالى معايا أشرحلك أكتر.... الإدانة دايماً بتكون شخصية بحتة.... بتوجه من شخص لشخص أخر سواء بشكل مباشر أو بشكل غير مباشر.... إنما لما تنتقد مشكلة سواء في الكنيسة أو خارج الكنيسة وإنت بتطرحها لأجل (البنيان) ولأجل إن الناس تاخد حذرها فإنت هنا لا تدن شخص إنما إنت بتطرح مشكلة لإيجاد حل.... طيب صديقنا المتدروش بتاع مفهوم (العثرة) هايطلعلك ويقولك وهو محموق: مانت كدة أعثرت الناس وخليتهم يدينوا غيرهم 😤😣... . هاقولك ببساطة إن دايماً الجملة بتاعة صاحبنا دة هي للأسف غرض إبليس الحقيقي ياخبر إسود....؟؟؟؟ إزاااااي....؟؟؟؟ هاقولك.....: دايماً إبليس يحب إن المشاكل تتراكم وتزيد لحد ماتوصل لمرحلة إنها مابتتحلش فبيخدع الناس بحتة التقوى هنا ويقولهم قولوا كدة ماتخلوش الناس تُعثر وتتعب فتلاقي كل واحد بدأ يطرح مشكلة علشان تتحل يطلعله واحد من الناحية التانية يقوله ماتتناقش في الأمور دي علشان ماتعثرش الناس.... وبالشكل دة يستفاد إبليس من إزاحة أي حل ممكن يعطل خططه ويبقى عنده طريق مفتوح لحقل محترم يزرع فيه المشاكل أكتر وأكتر وأكتر.... شوف يا صديقي.... دايماً المشاكل بتبقى عاملة ذي الجرح.... إما إننا نكتم عليها ونغطيها لحد ماتقيح وتمد وتعمل صديد والميكروبات تنشط فيها أوي وتبقى كارثة.... وإما إننا نفتحها ونعرضها للشمس ونصفيها من الصديد ونطهرها بالبيتادين ونغير عليها كل يوم لحد ما الجرح يلتئم وترجع الدنيا لطبيعتها.... . فرقوا كويس أوي بين الإدانة الشخصية وإدانة المشكلة..... 
|
|
#2
20 - 07 - 2019, 12:41 PM
|
||||
|
||||
|
ونطهرها بالبيتادين ونغير عليها كل يوم لحد ما الجرح يلتئم وترجع الدنيا لطبيعتها....
. فرقوا كويس أوي بين الإدانة الشخصية وإدانة المشكلة مشاركة جميلة جدا ربنا يبارك حياتك
|
|
#3
21 - 07 - 2019, 03:50 AM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| على سحق الملوك وإدانة الأمم وكثرة الجثث الملقاة أيضًا | Mary Naeem | أقوال الأباء وكلمة منفعة | 0 | 11 - 09 - 2023 11:54 AM |
| حلال المشاكل 😍 وصانع المشاكل 😞 | walaa farouk | شبابيات الفرح المسيحى | 0 | 13 - 05 - 2022 01:26 PM |
| رفع صور شهداء دير أنبا صموئيل أمام الأمم المتحدة وإدانة قطر | Mary Naeem | قسم الاخبار المسيحية والكنيسة | 0 | 19 - 09 - 2017 02:41 PM |
| صم عن حكم وإدانة الآخرين | Mary Naeem | أقوال الأباء وكلمة منفعة | 0 | 25 - 07 - 2015 06:46 PM |
| شجب وإدانة لموقف مرسي من شهداء الجيش | Mary Naeem | قسم الأخبار العالمية والمحلية | 2 | 08 - 08 - 2012 09:36 PM |
العرض المتطور