شفاء الله ليك مبيجيش كده 😘
اي دكتور شاطر بيوصفلك دوا ، ومخدتوش مش هتخف
احنا كمان 💝
الطبيب الشافي بتاعنا سابلنا دوا عظيم للشفاء من اي جرح وهو .. " الكتاب المقدس " ❤
طاب ليه ؟!
١- لانه كلام الله " روح وحياة " .. يدي روح جديدة مكان اللي اتكسرت بالحزن 🌸
ويدي حياة من روح الله القدوس ❤
٢- نافع للتعليم ، بيعلمنا ازاي نعيش ومش بس كده ..
بيوبخنا لو غلطنا ومشينا ف مسار غير مسار الله وللتقويم ،
مش بس يوبخ دا يصلح كل سكة غلط ❤
٣ - بيحميك من اي مشورة غلط ، من اي منفذ شيطاني ، من اي وسيلة جارحة .
. كلام الله مشورة الهية بتوصلك لفكر الله وقلبه 🌸
عشان تخف لازم تاخد الدوا باستمرار يا صديقي 💛
ربنا يملا قلوبكم بيه ويدخلكم ف علاقة صداقة حلوة معاه من خلال كتابه المقدس 💕
لتسكن_فيكم_كلمة_الله_بغني 💟
