|
 |
 |
 |
|
رقم المشاركة : ( 1 )
14 - 07 - 2019, 01:46 AM
|
|||||||||||
|
|||||||||||
 الكلام اللي جاي ده موجه لكل اللي منتظر نتيجة الثانوية العامة و هو منقول عن فنانة عازفة فلوت flute اسمها دكتورة/ إيمان عزت.. "أنا من الناس اللي مجبتش مجمووووع ( كبير )🤔 ف الثانوية العامية ومدخلتش كلية ( قمة) 😏 ...... . كان متوقعلي أطلع من الأوائل وأتفوق علي كل اصحابي وزمايلي اللي ف سني عشان كنت دايما باطلع من الأوائل علي المدرسة ف ابتدائية واعدادية وف ثانوي كمان لكن النتيجة طلعت ! وخذلت الجميع وأولهم والدي 😔 ومامتي ......كانوا مذبهلين من النتيجة .... مش مصدقين حرفيا ....... .أنا جبت أقل مجموع ف كل الصحاب والمعارف والجيران والقرايب !!!!! أنا نفسي مكنتش مصدقة أن ده مجموعي في ناس راحت المدرسة ٣ مرات عشان يتأكدوا من النتيجة فاكرين أنه حصل لخبطة ف الاسم كل فصل المتفوقين بتاعي اللي كنت فيه جابوا مجموع فوق ال 90% ما عدا أنا !!!! كان ممكن بابا يخليني أعيد السنة زي ما أهالي كتير بتعمل مع ولادها أو بتجبرهم خصوصا لو المجموع قليل ومش متوقع أو ندخل في سكة التظلم وإعادة تصحيح الورق خصوصا وان المادتين الوحيدتين اللي أخدت فيهم درس خصوصي طول السنة جبت فيهم أقل مجموع فكانت نتيجة مش منطقية الي حد كبير ! أهلي خدوا يومين تلاتة كده عقبال ما فاقوا من الصدمة اللي سببتهالهم وبابا استوعب اني مش هادخل كلية صيدلة ومش هاحقق ( حلمه ) وبعدين لقيتهم بيفكروا معاي ايه الكلية اللي ممكن ادخلها وتكون مناسبة لي ولميولي 🤔 تجارة : انا باكره المحاسبة آداب : هادخل اداب وانا طول عمري علمي ! زراعة : مليش ميول ليها خالص ! طب هادخل ايه طه ؟ بابا وماما قالولي ادخلي كلية تتميزي فيها وتكوني بتحبي الدراسة فيها وقالولي كان ممكن تدخلي صيدلة ومتتميزيش فيها وتكوني مبتحبيش دراستها وتتخرجي بالعافية المهم حسيت انهم قبلوني ( زي مانا ) بمجموعي الصادم بمبرراتي العبيطة (كنت دايما اقولهم الامتحانات مش بتقيس الذكاء دي بتقيس الحفظ فقط وانا مش آلة حافظة )..... ❤️ قبلوني ومحبتهم لي متغيرتش رغم خذلاني ليهم وده فرق كتير ♥️ فاتت سنين الكلية وكنت مستمتعة فيها جدا جدا ومتفوقة جدا وحابة الدراسة جدا جدا لدرجة اني كنت باطلع الأولي كل سنة من غير ما احس اني بابذل مجهود فظيع 🔸ف سنة من السنين بعد امتحان البكالوريوس كنا بناكل سمك وجمبري وحاطين ورق جرائد وانا كنت باحب اقرا الجرايد قوووي فكنت عمالة اقرا ف الجرنال واحنا بناكل عليه وفجأة لمحت اسمي ف الجرنال مع خبر بالمانشيت العريض بتعيين أوائل كلية التربية معيدين ف الجامعة ☺️ فاكرة كلنا قعدنا نتطنطط ونهيص ونرقص 🔸 وبابا جه قاللي ساعتها لو كنتي دخلتي صيدلة مكنتيش هاتطلعي الأولي بامتياز وتتعيني معيدة وحضنني حضن كبير نفس الحضن حضنهولي وانا باخد الماجستير بامتياز مع مرتبة الشرف بس كان حضن كان مليان دموع .... .. نفس الحضن كان من ماما بعد ما اخدت الدكتوراه بامتياز برده وكانت فخورة وفرحانة بي قوووي بس بابا مكنش موجود😔 🔹 كل زمايلي واصحابي وقرايبي وجيراني اللي جابوا مجموع كبير ف السنة بتاعتي دخلوا كليات هايلة وعظيمة بس محدش فيهم طلع الأول 4 سنين واتعين ف كليته وبقي استاذ ف الجامعة!" _حدث بالفعل منذ 22 عامآ قيمتك_مش_ف_مجموعك مفيش_حاجة_اسمها_كليات_قمة أولادك_أهم_من_المجموع ادرس_حاجة_بتحبها_انت_مش_اهلك ادخل_كلية_بتحبها_انت_مش_أهلك ثانوية_عامة 
|
|
14 - 07 - 2019, 10:04 AM
|
رقم المشاركة : ( 2 ) | ||||
|
† Admin Woman †
|
رد: قيمتك مش فى مجموعك /حدث بالفعل
كل زمايلي واصحابي وقرايبي وجيراني
اللي جابوا مجموع كبير ف السنة بتاعتي دخلوا كليات هايلة وعظيمة بس محدش فيهم طلع الأول 4 سنين واتعين ف كليته وبقي استاذ ف الجامعة مشاركة جميلة جدا ربنا يبارك حياتك |
||||
|
|
|
16 - 07 - 2019, 02:32 AM
|
رقم المشاركة : ( 3 ) | ||||
|
..::| الإدارة العامة |::..
|
رد: قيمتك مش فى مجموعك /حدث بالفعل
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الله يستجيب لدموعك |
| ثق أنه سيستجيب لدموعك وصراخك |
| افرح اياً كان مجموعك |
| الله ينصت لدموعك |
| مجموعك... انهارده... |
العرض العادي
