|
 |
 |
 |
|
رقم المشاركة : ( 1 )
31 - 01 - 2019, 10:02 PM
|
|||||||||||
|
|||||||||||
 هوشع و جومر ❤️ ربنا أمر هوشع إنه يتجوز زانية أيوة " زانية " و مش يتجوزها بس لا ده كمان يجيب منها أولاد ، بس هوشع رضى بالهم و الهم مارضيش بيه ! جومر الزانية مارضيتش بيه و قالتله أنا مش بحبك و مش عايزاك كمان بس هو حبها جداً و إتجوزها و هى راحت سيباله البيت و جريت وراء إللى خدعوها و عملوا إنهم عاشقينها ، و لما كبرت و شاخت و راح جمالها رموها و مابقاش ليها لازمة عندهم و باعوها فى سوق العبيد و لما سمع هوشع جرى عليها مع إنها بهدلت كرامته و شرفه و سمعته بقيت فى الأرض بسببها و سابته من سنين و قالهم لا أنا هشتريها ، و مع إنهم طلبوا فيها ثمن قليل جداً ، ماهى مابقاش ليها قيمة ، قالهم لا أنا هدفع فيها كل حاجة عندى أصلى شايفها زى أول مرة شوفتها فيها جميلة جداً مش زى ما إنتوا شايفينها مليانة عيوب ! يمكن معظمنا مايعرفش القصة دى و أنا واحدة من الناس لما عرفتها تنحت بس جه فى دماغى تأملين و فكرتين طلعت بيهم من قصتهم : أولاً : إزاى يارب تأمر نبى من أنبيائك إنه يتجوز زانية و كمان يخلف منها ؟! و إزاى تخليه يحبها جامد كدة ؟! و ليه يارب مخلتش جومر تحن قلبها عليه و تحبه هى كمان ؟! ليه عايز تجرحه ؟! بس فكرت فى لحظة إن ربنا بيعمل معايا أنا كدة ، أيوة بيعمل معايا أنا و إنت أكتر من كدة كمان ، ياما بيقرب مننا و إحنا بنجرى وراء الخطية و شهواتنا و ياما بيقدملنا كتير و إحنا بنرفضه و فى الأخر لما بنزهق و نقرف من أشكالنا نلاقى ربنا جاى لينا يشترينا زى ما إشترانا و فدانا بدمه و دفع فينا أغلى حاجة عنده ! ثانياً بقى : الناس إللى بتتكلم عن قصص الحب الواو و الـ proposal الفلانى و ... و ... و ... إلخ ! لما قريت القصة دى عرفت يعنى إيه واحد بيحب واحدة بقلبه بجد ؟! مش واحد شاف خطيبته بتسلم على واحد راح قالها مافيش نصيب ولا هاتى الـ password أشوفك بتكلمى مين ؟! ولا واحد تانى حب واحدة إرتبطوا و قعدوا حلوين مع بعض و لما لقى الدنيا هتدخل فى مسئولية و جواز يقولها أنا عايز سعادتك 😕 نعم يعنى ! لما قريت قصتهم عرفت يعنى إيه حب حقيقى ؟! عرفت يعنى إيه واحد يضحى بكل حاجة عنده ؟! حب حقيقى عدى بكتير حب يعقوب و راحيل و بوعز و راعوث إللى إحنا موهمين بيهم و نقول فين الحب ده ؟! لا الحب ده طلع موجود فعلاً من قديم الأزل و لسة موجود ، بس إحنا إللى بنتوهم بأى حاجه fake ، إحنا إللى مش عارفين نحب صح 💔 إحنا إللى مش عارفين ندى مشاعرنا صح لبعض 😔 إدى مشاعرك الأول لربنا إللى بيديك أغلى حاجة عنده و قوله مشاعرى أهى بين إيديك ، كلها ليك إنت و بس ، و ماتخليش حد عندك يبقى أغلى من ربنا ، خلى ربنا هو أغلى ما عندك و لما تيجى تحب حد خلى حبكم جوة قلب ربنا ، خلى ربنا هو إللى يستخدمكم صح حسب مشيئته ، قوله يارب علمنا إزاى نحب بعض و علمنا إزاى نحب زى هوشع ما حب جومر ، و يعقوب حب راحيل ، و بوعز و راعوث 💚 قصة الحب الحقيقى تتجاوز حدود العقل والقلب معاً ! 
|
|
01 - 02 - 2019, 01:48 PM
|
رقم المشاركة : ( 2 ) | ||||
|
† Admin Woman †
|
رد: قصة الحب الحقيقى التى تتجاوز حدود العقل والقلب معاً
قوله يارب علمنا إزاى نحب بعض و علمنا إزاى نحب زى هوشع ما حب جومر
، و يعقوب حب راحيل ، و بوعز و راعوث رووووووووووعة حببتي ربنا يفرح قلبك |
||||
|
|
|
01 - 02 - 2019, 11:13 PM
|
رقم المشاركة : ( 3 ) | ||||
|
..::| الإدارة العامة |::..
|
رد: قصة الحب الحقيقى التى تتجاوز حدود العقل والقلب معاً
ميرسي على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| بين العقل والقلب |
| هوشع وجومر (قصة الحب الحقيقي تتجاوز حدود العقل والقلب معًا) |
| العقل والقلب |
| العقل والقلب |
| الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً |
العرض العادي
