|
 |
 |
 |
|
رقم المشاركة : ( 1 )
24 - 01 - 2019, 05:09 PM
|
|||||||||||
|
|||||||||||
|
لعم يصير بمار شربل منّو من هل عالم
 “طالع على مار شربل”، كتار بيقولوا بيرددوا هل عبارة لمّن بدن يطلعوا على دير مار مارون عنايا، صار القديس رفيق الدرب. موجوع، بتطلع على مار شربل. حزين، بتطلع على مار شربل. مريض، بتطلع على مار شربل… أكثر من تلاتين سنة أمضيتها بلبنان، وكل أسبوع كنت أطلع على عنّايا صلّي وقدّس وناجي القديس. كل ما اتصفّح مواقع التواصل، بعرف إنّو كتار متلي بيحبو هل قديس وبيصلولوا، وأكيد مار شربل عم يساعد كتار، بالمرض، بالحزن، وبكتير قصص. ربنا عم يتدخّل روحياً، عم يلمس قلوب البشر، وهيدي حقيقة ما عاد في إنسان ينكرها، حتى الطب عجز أمام العجائب لي عم يتصير بشفاعة مار شربل. الأربع سنين الماضية أمضيتهن في الولايات المتحدة الأمريكية، في شي انسرق منّي، في شي مسروق من الناس هون، ناس موجوعة، ناس مريضة، ناس عم تنتحر، ناس عم تجهض، ناس عم تعبد شياطين… الناس بحاجة لمار شربل باميركا، صدقوني، الناس بحاجة لضريح قديس بكل مدينة، وكل ما نقص الايمان بمكان، تأكّدوا إنو الناس رح تعيش اليأس والفراغ وكل مدينة بحاجة لقديس يحامي عنها. يا شربل، يا فلّاح بقاعكفرا، يا ناسك عنّايا، يا راهب متلنا عاش يحارب الخطية ويحب يسوع عتلّة عنايا، انت من دونك في شي ناقص بلبنان، ومن صليلك لتبقى رسول يسوع عهل أرض. صلّوا ليكون في قديسين، لربنا ينمّي العائلات، وبالنهاية قد ما تطوّر الطب والعلم، كلّو فراغ قدّام عظمة ربنا وقديسيه. 
|
 |
|
العرض العادي
