يرضيكى ياعدرا دا احنا ستات ذى بعض اتصرفي انتي !!??
كانت راهبه تعانى من الم فى بطنها وذهبت الى المستشفى وبعد تشخيص الاطباء قرروا انه لابد من إجراء جراحه فثارت الراهبه **ازاى وانا راهبه انكشف على دكاتره رجال ويشوفوا جسدى** مش هينفع اعمل العمليه بس الدكاتره اصروا على اجراء الجراحه وبالفعل اتحجزت فى المستشفى القبطى وتانى يوم جالها الدكتور المتابع وقالها ابسطى يا امى فيه دكتور اجنبى جاى وهو اللى هيعملك العمليه فكان فى كل غرفه فى المستشفى صوره وكانت فى غرفة الراهبه صوره للعدرا فصلت الراهبه وبدأت تعاتب العدرا *ينفع كده يرضيكى يا امى انى انكشف على رجاله وانا راهبه النهارده يعملوا العمليه وبكره يفكوا السلك وبعده يغيروا ع الجرح يرضيكى كل ده اومال انا كنت اترهبنت ليه يرضيكى ياعدرا داحنا ستات ذى بعض* وانهارت فى العياط وفجأه صورة العدرا بدأت تكبر تكبر تكبر لحد ما جات العدرا وقفت جنبها وقالتها مايرضنيش انا جبت الادوات تحت دراعى وانا اللى هعملك العمليه طلعت العدرا منديل من تحت دراعها فى مقص ومشرط وادوات لزوم العمليه وكانت حاطه فى طرحتها ابره وفيها خيط قالتها جاهزه نعمل العمليه قالت الراهبه اه جاهزه مكان الوجع فتحت العدرا بالمشرط وقالت للراهبه حسيتى بحاجه قالتها لا راحت العدرا كملت وبعد شويه صغيرين استئصلت الجزء اللى فيه الالم وحطته على قطنه وقالت للراهبه ادى ياستى الجزء اللى بيألمك وحطته ع الكومدينو جنب السرير وطهرت الجرح وحطتله قطنه ولزق وقالتها اوعى حد يجى ناحية الجرح انا بعد تلات ايام هجى اشيل الخيط واغيرلك ع الجرح صحيت الراهبه الصبح لقت القطنه اللى فيها الجزء المصاب موجوده جنب السرير قالت يعنى انا مش بحلم وحطت ايدها على بطنها لقت اللزق شكرت ربنا والعدرا وبعد شويه جالها الدكتور وقالها يلا يا امى اجهزى علشان الدكتور جه وهتعملى العمليه النهارده قالتله الدكتوره السماويه سبقته وجات عملتلى العمليه الدكتور ازاى..طب اشوف الجرح..طب اقيسلك الضغط .. الراهبه قالتله ابدا محدش هيقرب من العمليه والعدرا هتيجى تغير ع الجرح بعد 3 ايام ومقلتش هتيجى امتى علشان محدش ينتظرها وفعلا بعد 3 ايام جات العدرا وشالت الخيط وغيرت ع الجرح ومسكت الراهبه من ايديها ومشتها داخل الغرفه وبعد كده نيمتها فى السرير وقالتها انتى مهونتيش عليا علشان احنا ستات ذى بعض
"المجد ليكى يا ام النور"
21 - 11 - 2018, 01:37 PM
رد: ٱحنا ستات زى بعض
العرض العادي
