| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
08 - 12 - 2018, 05:40 PM
|
||||
|
||||
|
مش هتدفع اللي عليك !!!!!! قصه روووووووعه
خادم من قرية بسيطه راح لتاجر جُمله كبير علشان يشتري منه ٢٠٠ عربية لعبة يوزعهم على اطفال ملاجيء في العيد العربية سعرها ٢٠ جنيه .. يعني التكلفة الكُلية ٤٠٠٠ جنيه الخادم مكنش معاه غير ١٠٠٠ جنيه بس ،، وقال لتاجر الجمله كل شهر هديلك ١٠٠٠ جنيه على مدار تلات شهور التاجر مكنش مبسوط من الاتفاق ،، لكن الخادم وعده ان كل اسبوع هيحاول يوفرله جزء من المبلغ. وأكيد ربنا هيبعت المبلغ فات اسبوع والخادم مدفعش حاجه ،، فات كمان اسبوع وبرضو الخادم مدفعش حاجه وكان دايما التاجر يلقح عليه بالكلام في الرايحه والجايه ويقوله بصوت عالي .. (ادفع اللي عليك يارب ) كل لما الخادم يعدي من قصاده يسمع كلمة .. (ادفع اللي عليك يارب) الخادم كان محرج جدا من اللي بيسمعه وكان بيحاول يوفر المبلغ بأي طريقه • التاجر ده ربنا كرمه باصحاب محلات جديدة تاخد منه بضاعه وبرضو فضل يلقح على الخادم ويقول ( ادفع اللي عليك يارب ) - رِجل الزباين زادت عنده في المحل وبقوا طوابير وبرضو فضل يلقح على الخادم في الرايحه والجايه ويقوله (ادفع اللي عليك يارب) - عرف ان مرات ابنه اخيرا بقت حامل بعد خمس سنين جواز وبرضو فضل يلقح علي الخادم بالكلام ويقوله " ادفع اللي عليك يارب " - عملية المخ اللي كانت هتعملها مراته نجحت رغم ان الدكاترة قالوا انها مش سهله ،، وبرضو فضل يلقح على الخادم ويقول (ادفع اللي عليك يارب) واخيرا بعد شهرين مش تلاته الخادم كان مسدد ال ٣٠٠٠ جنيه الباقيين كاملين لكن التاجر بعدها لقى رجل الزباين بدأت تقل من تاني وترجع زي الاول ،، والدخل بقى بسيط من تاني صاحبنا مشفش حنفية الخير اللي ربنا فاتحها فوق دماغه وبص للفتافيت اللي عند الخادم مركزش في الألاف اللي دخلاله كل شهر علي غير العادة وبص للتلات الاف اللي في ايد الخادم ساعتها عرف ان ربنا دفع اللي عليه وزيادة لما كتر رزقه ورَزَقُه بأحفاد وشفَى زوجته و .... الخ ساعتها ندم علي اللي تصرفه وقال: ++ كنت مفكر اني مداينك يارب مع ان انا اللي مديون ليك بحاجات كتير كتير مننا بيظن انه مداين ربنا ،، لكن في الحقيقه كل خير بتعمله فأنت بتسدد جزء بسيط من دين ربنا عليك , ومع ذلك برضو ربنا بيعوضك في ساعتها ,, مش شرط في مكسب مادي ،، ممكن في صحة بيدهالك ،، في اب وام بخير ،، في اولاد كويسين ،، في بيت ساترك انت واسرتك .... الخ متقولش لربنا " انت قولت اعطوني العشور وجربوني ووريني بقى هتعمل ايه " ،، لأن في الحقيقه ربنا بيعمل كتير ،، كفايه انه ادالك العُمر لحد اللحظة اللي تفتكر انك مداينه فيها ربنا مابيبَتش مديون❤ 
|
|
#2
08 - 12 - 2018, 06:10 PM
|
||||
|
||||
|
ربنا مابيبَتش مديون " ادفع اللي عليك يارب " قصة لـ مايكل سامي
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| تاكد انك هتدفع الاجرة كاملة للعالم نفسة | بنت معلم الاجيال | أقوال الأباء وكلمة منفعة | 2 | 26 - 01 - 2019 01:37 PM |
| ما تصعبش يارب عليك | Mary Naeem | موسوعة توبيكات مميزة | 2 | 21 - 05 - 2018 10:20 AM |
| انت بس إللى هتدفع الثمن | walaa farouk | شبابيات الفرح المسيحى | 2 | 12 - 06 - 2017 05:26 PM |
| وحدك اللي هتدفع التمن | Rena Jesus | موسوعة توبيكات مميزة | 7 | 02 - 10 - 2016 03:28 PM |
| انا متكل عليك يارب | walaa farouk | صورة وأية من الكتاب المقدس | 4 | 02 - 11 - 2015 02:30 PM |
العرض العادي
